HECHOS 19:22 - Nuevo Testamento en Quichua Cañar 1996

²² Chashna yuyashpami, paita ayudaccunapuramanta Timoteotapish, Erastotapish Macedonia llactaman cacharca. Paica chai Asia llactallapitacmi asha punzhacaman saquirirca.

Dios Rimashcata Quillcashcami

²² Chashna yuyashpami, paita ayudac Timoteotapish, Erastotapish Macedonia llactaman cacharca. Paica chai Asia llactallapitacmi asha punzhacaman saquirirca.

HECHOS 19:22 ပူးပေါင်းရင်းမြစ်များ

HECHOS 13:5

Chai llactapi cac Salamina puebloman chayashpaca, israelcuna*f** tandanacuna huasicunapimi Diosmanta alli huillaita huillarcacuna. Marcos nishca Juanpish, paicunata ayudashpami purirca.

HECHOS 16:1

Chai q'uipami Pabloca Silasndic Derbe pueblota rishpa, Listra puebloman chayashpaca, cric Timoteo tuparcacuna. Paipac mamaca israelcunapura*f** Jesusta cric huarmimi carca. Taitaca griego*f** runami carca.

HECHOS 16:3

Pabloca Timoteota pushasha nishpami, paipac taita griego cashcata tucui chaipi causac israelcuna yachashcamanta, paicunahuan ama p'iñanacungapac Timoteotaca circuncisionta*f** ruhuachirca.

HECHOS 18:5

Silasca Timoteohuan Macedonia llactamanta chayamucpicarin, Pabloca punzhantami israelcunamanca: —Jesusmi Quishpichic Cristoca— nishpa, alli huillaitaca huillacurcalla.

HECHOS 19:10

Chashnami Pabloca chai Asia llactapica ishcai huatata causarca. Pai chaipi causacushpa, Apunchic Jesusmanta alli huillaita huillacpica, israelcunapish, mana israelcunapish*f** tucuimi uyarcacuna.

HECHOS 19:21

Chai q'uipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantaca: “Roma*f** pueblomanpish rinami cani” nicurcami.

HECHOS 19:29

Chaimantami tucui chai pueblopi causaccunaca ashtahuan p'iñarishpa caparinacurcacuna. Chashnami Pablohuan puric Macedonia llactamanta Gayotapish, Aristarcotapish huaica japishpa, paicuna tandanacuna jatun ucuman aparcacuna.

HECHOS 20:1

Chai caparinacui ña chunllayacpi, Pabloca criccunata alli c'atina yuyaita cushpa, cunangapacmi c'ayarca. Ña cunashca q'uipaca ucllarishpami: “Shuc punzhacaman” nishpa, Macedonia llactaman rirca.

HECHOS 20:34

Chaipac randica ñucamanpish, ñucahuan puriccunamanpish ima illashcata charingapacca, ñuca maquillahuantac ruhuashpami, imallatapish japic carcani. Chaitaca cancunallatac yachanguichicmi.

ROMANOS 16:23

Shinallatac ñucatapish, tandanacushca criccunatapish pozachic Gayopish “allilla cashca cachun” nishpami cachan. Cai pueblopac cullquita tandachic Erastopish, Jesusmanta huauqui Cuartopish “allilla cashca cachun” nishpami cachancuna.

2 CORINTIOS 1:16

Macedonia llactaman rishpami, cancunataca punta ricugrinata munarcani. Shinallatac cutishpapish, cutin ricunatami yuyarcani. Chashna ruhuacpimi, ñuca Judea llactaman rinapipish ayudanguichicman carcanguichic.

2 CORINTIOS 11:9

Ñuca cancunahuan cashpaca, ima illac cashpapish imata mañashpa mana p'iñachircanichu. Chai imalla illashcataca Macedonia llactamanta shamuc criccunami curcacuna. Chashna cashpami, cancunataca imata mañashpa mana p'iñachircani. Chai shinallatacmi mana p'iñachishpa c'atinata munani.

2 CORINTIOS 2:13

Shina cacpipish Jesusmanta ñuca huauqui Tito mana tupashcamantaca, mai llaquillami carcani. Chaimantami paicunataca “caya minchacaman” nishpa, Macedonia llactaman rircanilla.

2 CORINTIOS 8:1

C'uyashca criccuna, cunanca Dios c'uyashcallamanta Macedonia llactapi cac tandanacushca criccuna imallata ruhuac cashcatami, cancunamanca parlagrinchic.

2 CORINTIOS 8:19

Alli nishcallapish paica mana canchu, ashtahuanpish paica ñucanchichuan pacta cullquita tandachishpa richun, tandanacushca criccuna acllashcapish canmi. Cai shina tandashpa apashpaca, Apunchic Jesús alli nishca cachun, shinallatac ñucanchic criccuna cuna munaita ricuchingapacmi, chashnaca ruhuacuncuna.

1 TESALONICENSES 1:8

Cancuna crishcataca mana Macedonia llactallapi, mana Acaya llactallapichu yachac chayashcacuna, ashtahuanpish tucui llactacunapimi cancunamanta uyashpaca, Diosmanta alli huillaitaca yachac chayashcacuna. Chaimantami cancuna alli crishcataca, ña mana huillana canchic.

2 TIMOTEO 4:20

Erasto runaca Corinto pueblopimi saquirirca. Trófimo runataca ungushcatami Mileto pueblopi saquimurcani.