HECHOS 19:13 - Nuevo Testamento en Quichua Cañar 1996

¹³ Israelcunapuramantapish maijancunaca supaicunata llucchishpa puriccuna cashpami, paicunapish Apunchic Jesuspac shutillatatac rimashpa, supaicunataca llucchinata yuyarcacuna. Chaimantami supaicunataca: “Pablo huillacuc Jesuspac shutipimi llucshi nini” nircacuna.

Dios Rimashcata Quillcashcami

¹³ Rimarishpalla supaicunata llucchic maijan israelcunapish Apunchic Jesuspac shutita rimashpa, supaicunata llucchinatami yuyarcacuna. Chaimantami supaicunataca: «Pablo huillacuc Jesuspac shutipimi llucshi nini» nirca.

HECHOS 19:13 ပူးပေါင်းရင်းမြစ်များ

SAN MATEO 12:27

Ñucataca ‘Beelzebuhuan cashpami, supaicunata llucchishpa cachanlla’ nicunguichicmi. Shina cacpica cancunapac yachacuccunaca, ¿pihuan cashpatac supaicunata llucchincuna? Chashna cacpica, paicunallatacmi cancuna pandaricushcataca ricuchincuna.

SAN MATEO 26:63

Chashna nicpipish, Jesusca imata mana nircachu. Chaimantami jatun mandac curaca: —Causac Diospac shutipimi huillachun nini. ¿Canchu Diospac Churi Quishpichic Cristoca cangui?— nirca.

MARCOS 5:7

Chashna cungurishpaca: —Jahua pachapi tiyac Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nishpa, sinchita caparirca.

MARCOS 9:38

Shina nicpi Juanca: —Yachachic, cambac shutipimi shuc runaca gentecunamanta supaicunata llucchishpa cachacucta ricurcanchic. Paica mana ñucanchicpuramanta cacpimi, ‘ama chashna ruhuaichu’ nishpa jarcarcanchic— nirca.

SAN LUCAS 11:19

Chashna cacpica, cancunapac yachacuccunapish Beelzebuhuan cashpachari, supaicunataca llucchishpa cachanyari. Paicuna chashna ruhuashpaca, cancuna pandaricushcatami ricuchincuna.

SAN LUCAS 9:49

Chashna nishca q'uipami, Jesuspac yachacuc Juanca: —Yachachic, shuc runatami cambac shutipi supaicunata llucchishpa cachacucta ricurcanchic. Mana ñucanchicpura cashcamantami, paitaca: ‘Ama chashna ruhuaichu’ nishpa jarcarcanchic— nirca.

HECHOS 19:14

Israel*f** curacunata jatun mandac, Esceva curapac canchis churicunami chashna ruhuaccuna carca.

2 CORINTIOS 11:4

Maijanpish ñucanchic huillashca Jesusmanta shuctac layaman huillangapac chayacpica, chasquicllami canguichic. Shinallatac cancuna chasquishca Espiritumanta shuctac laya espiritutapish, cancuna chasquishca alli huillaimanta shuctac laya huillaitapish chasquinguichicllami.