HECHOS 19:11 - Nuevo Testamento en Quichua Cañar 1996

¹¹ Taita Dios paihuan cacpimi, Pabloca pi mana ruhuaipaccunata ruhuac carca.

Dios Rimashcata Quillcashcami

¹¹ Diosca mancharina milagrocunata ruhuachumi Pabloman poderta curca.

HECHOS 19:11 ပူးပေါင်းရင်းမြစ်များ

SAN JUAN 14:12

Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

HECHOS 14:3

Chashna cacpipish, Pabloca Bernabendic Jesús paicunahuan cashcata yachashpa, chai pueblopi unaicaman saquirishpami: “Taita Diosca mai c'uyacmi” nishpa, mana manchashpa huillarcacuna. Apunchic Jesús paicunahuan cacpimi, pi mana ruhuaipaccunatapish, pi mana ricushcacunatapish ruhuarcacuna.

HECHOS 15:12

Shina nicta uyashpaca, tucui chaipi caccuna upalla tucushpami, Bernabé parlashcatapish, Pablo parlashcatapish uyarcacuna. Taita Dios paicunahuan cashcamanta mana israelcunapac ñaupapi pi mana ruhuaipaccunatapish, pi mana ricushcacunatapish ruhuashcatami parlarcacuna.

HECHOS 16:18

Ña tauca punzhacunata chashna nishpa ñucanchicta c'aticucllapimi, ña mana uyanachishpa Pabloca tigrarishpa, chai huambrapi cac supaitaca: —¡Jesucristopac shutipimi, cai huambramanta llucshi nini!— nirca. Chashna nicpi, supaica chai huambramantaca llucshircallami.

HECHOS 5:12

Taita Dios paicunahuan cacpimi, Jesús acllashca huillaccunaca israelcunapurapica*f** pi mana ruhuaipaccunatapish, pi mana ricushcacunatapish tauca cutin ruhuarcacuna. Tucui criccunami Salomonpac corredorpica, shuc yuyailla tandanacuc carcacuna.

HECHOS 8:13

Shinallatac chai brujo runa Simonpish, Jesusta crishpa bautizarircami. Chai q'uipaca, Felipe pi mana ruhuaipaccunata ruhuacta ricushpami, mana amirishpa paihuan pacta puricurca.

GÁLATAS 3:5

Cancunaca mana Moisés mandashcacunata pactachishcamantachu, ashtahuanpish ñucanchic huillashcata uyashpa crishcamantami Taita Dios paipac Espirituta cushpa, cancunapurapica pi mana ruhuaipaccunata ruhuachicun. ¿Chaitaca manachu yachanguichic?

HEBREOS 2:4

Taita Diospish pi mana ruhuaipaccunata, pi mana ricushcacunata ruhuashpa, shinallatac pai munashca shina imatapish ruhuachun paipac Espiritutaca cushpami, chashnatac cashcata ricuchirca.