HECHOS 19:10 - Nuevo Testamento en Quichua Cañar 1996

¹⁰ Chashnami Pabloca chai Asia llactapica ishcai huatata causarca. Pai chaipi causacushpa, Apunchic Jesusmanta alli huillaita huillacpica, israelcunapish, mana israelcunapish*f** tucuimi uyarcacuna.

Dios Rimashcata Quillcashcami

¹⁰ Chashnami Pabloca chai Asia llactapica ishcai huatata causarca. Chaipi Apunchic Jesusmanta alli huillaita huillacpica, tucui israelcunapish, mana israelcunapish uyarcacunami.

HECHOS 19:10 ပူးပေါင်းရင်းမြစ်များ

HECHOS 13:12

Mandac Sergioca Apunchic Jesusmanta yachachishcata uyashpa, shinallatac chashna tucushcata ricushpacarin, mana amirishpami crirca.

HECHOS 16:6

Pabloca Silasndic Frigia llactata, Galacia llactata rishpa, Asia llactapi alli huillaita huillasha nicucpimi, Diospac Espirituca mana huillachun saquirca.

HECHOS 18:11

Chaimantami Pabloca Diosmanta alli huillaita Corinto pueblopi yachachishpaca, huata sucta quillacaman causarca.

HECHOS 18:4

Pabloca samana punzhacunapica*f** tandanacuna huasiman rishpa, israelcunapish, mana israelcunapish*f** crichunmi, huillashpaca alli yachachic carca.

HECHOS 19:20

Apunchic Jesusmanta maipipish huillacpica, tucui chai imalla tucushcacunata ricushpami, ashtahuan crishpa mirarircacuna.

HECHOS 19:22

Chashna yuyashpami, paita ayudaccunapuramanta Timoteotapish, Erastotapish Macedonia llactaman cacharca. Paica chai Asia llactallapitacmi asha punzhacaman saquirirca.

HECHOS 19:8

Chai pueblopi cac israelcuna*f** tandanacuna huasiman shamuc gentecuna crichunmi, Taita Dios mandacucmanta huillashpa, Pabloca quimsa quillacaman chai huasimanca mana manchashpa puric carca.

HECHOS 2:9

Ñucanchicca Partia llactamanta, Media llactamanta, Elam llactamanta, Mesopotamia llactamanta, Judea llactamanta, Capadocia llactamanta, Ponto llactamanta, Asia llactamanta,

HECHOS 20:18

Paicuna chayamucpica, Pabloca: “Asia llactaman chayamushca punzhamanta pacha, ñuca ima shina cancunahuan cashcataca cancunallatac alli yachanguichicmi.

HECHOS 20:31

Chaimanta cancunaca alli yuyaihuan cana canguichic. Ñucaca quimsa huatacaman tutapish, punzhapish mana samashpami, tucui cancunataca shucllancaman huacashpa cunacurcanilla.

HECHOS 6:9

Chashna ruhuashpa puricucpimi, maijan runacunaca Estebanhuan rimarinacui callarircacuna. Paicuna tandanacuna huasica: “Servic cashcamanta cacharichishca” shutitami charirca. Paicunapurapica Cirene pueblomanta, Alejandría pueblomanta, Cilicia llactamanta, Asia llactamantapish carcacunami.

ROMANOS 1:16

Alli huillaica puntaca israelcunata,*f** mana israelcunatapish*f** maijanpish crictaca quishpichingapac, imatapish ruhuaclla Taita Diosmanta shamushcami. Chaimantami alli huillaita huillanataca mana pingani.

ROMANOS 10:12

Israelcunapish, mana israelcunapish chai shinallatac cacpimi, Apunchic Jesusca tucuipac Mandac can. Shina cashcamantami maijanpish mañaccunamanca imatapish yallita cun.

ROMANOS 10:18

Shina cacpipish: “Cristomanta huillashcataca, ¿manachu uyarcacuna?” nishpami tapuni. ¡Paicunaca uyarcacunami! Dios quillcachishcapica: “Paicuna huillashcaca tucui cai pachapimi uyarishca. Shinallatac paicuna rimashcacunaca allpa tucuricamanmi uyarishca” ninmi.

GÁLATAS 3:28

Jesucristohuan shuc shinalla tucushcamantaca, tucui mashnami shuc shinalla canguichic. Shina cacpica israel*f** cashpapish, mana israel*f** cashpapish, servic cashpapish, mana servic cashpapish, c'ari cashpapish, huarmi cashpapish mana ima canchu.

COLOSENSES 3:11

Chashna cashcamantami israelcuna*f** cashpa, mana israelcuna*f** cashpa, circuncisionta*f** ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

2 TIMOTEO 1:15

Asia llactamanta caccunaca tucui mashna ñucataca shitashpa rishcataca, canllatac yachanguimi. Paicunapurapica Figelo runapish, Hermógenes runapish carcami.

1 PEDRO 1:1

Ñucaca Jesús acllashca huillac Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

APOCALIPSIS 1:11

—Cai can ima ricushcataca shuc libropi quillcashpa, Asia llactapi tiyac canchis pueblopi causac tandanacushca criccunaman cachai. Chaicunaca Efeso pueblo, Esmirna pueblo, Pérgamo pueblo, Tiatira pueblo, Sardis pueblo, Filadelfia pueblo, shinallatac Laodicea pueblomi— nirca.

APOCALIPSIS 1:4

Ñucaca Juanmi cani. Ñucami Asia llactapi cac canchis pueblopi tandanacushca criccunaman quillcani. Taita Dios cancunata mai c'uyashpa sumac causaita cuchunmi munani. Paica sarunpish, cunanpish, shinallatac shamucpish paillatacmi can. Shinallatac Diospac mandashpa tiyarina ñaupapi cac canchis Espiritupish allicunata cancunaman cuchunmi munani.