HECHOS 18:22 - Nuevo Testamento en Quichua Cañar 1996

²² Ña Cesarea puebloman chayashpaca, Jerusalenman rishpami chaipi tandanacushca criccunata “allillachu canguichic” nishpa, Antioquía puebloman urai rirca.

Dios Rimashcata Quillcashcami

²² Ña Cesarea puebloman chayashpaca, tandanacushca criccunata saludangapacmi Jerusalenman rirca. Quipataca Antioquía pueblomanmi urai rirca.

HECHOS 18:22 ပူးပေါင်းရင်းမြစ်များ

HECHOS 10:1

Cesarea pueblopica, Cornelio runami causarca. Paica Italia llactamanta pasac soldadocunata mandacmi carca.

HECHOS 10:24

Minchandic punzha ña Cesarea puebloman chayacpica, Cornelioca paipac tauca familiacunandic, paipac alli ricsishcacunandicmi tandarishpa, shuyacushca carcacuna.

HECHOS 11:11

Shina cacpica, Cesarea pueblomanta cachashca quimsa runacuna ñuca maipi cac huasiman mashcashpa chayarcacunallami.

HECHOS 13:1

Antioquía pueblopi causac tandanacushca criccunapurapica, Diosmanta huillaccunapish, yachachiccunapish tiyarcami. Paicunapurapica Bernabepish, Niger nishca Simonpish, Cirene pueblomanta Luciopish, Galilea llactata mandac Herodeshuan huiñac Manaenpish, Saulopish carcami.

HECHOS 14:26

Chai Atalia pueblomantaca barcopi tiyarishpami, Pabloca Bernabendic Antioquía puebloman cutircacuna. Chai pueblomantami, criccunaca paicunata Taita Dios huacaichichun nishpa mingashca, llucshirishca carcacuna.

HECHOS 15:23

Chashna acllashpaca, paicuna apachunmi cashna quillcarcacuna: “Jesús acllashca huillaccunapish, criccunata pushaccunapish, ñucanchicca Antioquía pueblopi, Siria llactapi, Cilicia llactapi causac mana Israel criccunatapish ‘allillachu canguichic’ ninchicmi.

HECHOS 15:30

Chashnami chai acllashca runacuna Antioquía puebloman rishpaca, chaipi causac criccunata tandachishpa, chai quillcata curcacuna.

HECHOS 15:35

Shinallatac Pabloca Bernabendic chai Antioquía pueblollapitac saquirishpami, Apunchic Jesusmanta alli huillaitaca taucacunahuan huillarcacuna.

HECHOS 15:4

Paicuna Jerusalenman ña chayacpica, Jesús acllashca huillaccunapish, criccunata pushaccunapish, shinallatac tucui criccunapish allimi chasquircacuna. Pablopish, Bernabepish Taita Dios paicunahuan ima shina cashcatami parlarcacuna.

HECHOS 23:23

Huaranga soldadocunata mandacca pasac soldadocunata mandaccunatami ishcaita c'ayashpa, cashna nishpa mandarca: “Cunan unai tutataca Cesarea puebloman richun, chaquillahuan ric soldadocunataca, ishcai pasac soldadocunata tandachinguichic. Caballopi ric soldadocunataca, canchis chunga soldadocunata tandachinguichic. Shinallatac lanzahuan ric soldadocunataca, ishcai pasac soldadocunata tandachinguichic.

HECHOS 25:1

Festo runaca llactata mandangapac yaicushca quimsa punzha q'uipami, Cesarea pueblomanta Jerusalenman rirca.

HECHOS 25:9

Festoca israelcunahuan alli ricurisha nishpami, Pablotaca: —¿Jerusalenman risha ninguichu? Canta imamanta juchanchicushcataca, ñuca chaipi tapusha— nirca.

HECHOS 8:40

Ashtahuanpish Felipeca Azoto pueblopimi taririrca. Chai Azoto pueblomanta callarishpami, Cesarea puebloman chayangacaman, tucui pueblocunapi alli huillaita huillashpa rirca.