HECHOS 18:15 - Nuevo Testamento en Quichua Cañar 1996

¹⁵ Mana chashnachu cashca. Cai runa yachachishcacunaca, cancunata mandashcacunapi nishca shina mana alli cacpica, cancunallatac allichichic. Ñucaca mana imata nishachu— nirca.

Dios Rimashcata Quillcashcami

¹⁵ Ashtahuanpish rimaicunamanta, shuticunamanta, mandashcacunamanta cacpica, ñucaca mana imata ni pudinichu. Cancunallatac allichichic— nirca.

HECHOS 18:15 ပူးပေါင်းရင်းမြစ်များ

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta apac cachashpa, maquita jahuashpa: —Cai runa huañushcaca cancuna jahuami canga, ashtahuanpish mana ñuca jahuaca— nirca.

SAN MATEO 27:4

Shina cutichishpaca: —Manapish juchayuc runata huañuchichun japichishpaca, juchallishcanimi— nirca. Chashna nicpi paicunaca: —Chaica ñucanchicmanca, ¿imatac curinyari? Chaitaca canchari ricungui— nircacuna.

SAN JUAN 18:31

Chaimanta Pilatoca: —Cancunata mandashcapi nishca shina, imatapish tapushpa, llaquichingapac apaichic— nirca. Shina nicpi, mandac israelcunaca: —Ñucanchicca mana pita huañuchinallachu canchic— nircacuna.

HECHOS 18:13

Chaiman apashpaca: —Cai runaca Taita Diosta yuyarichun yachachishpaca, mandashcacunapi nishca shinaca mana yachachinchu— nircacuna.

HECHOS 23:29

Chai tandanacushcapac ñaupaman apashpa paita tapucpica, israelcunata mandashcapi nishca shina mana pactachishcallamantami, paitaca juchanchishcacuna carca. Ñuca yuyaipica, paitaca imamanta mana huañuchinachu, shinallatac carcel-llapipish mana churanachu can.

HECHOS 25:11

Huañuchina imapish mana caipaccunata ñuca ruhuashca cashpaca, huañuchichun nimanllami. Paicuna juchanchicushca manapish chashna cacpica, ñucataca pi mana paicunaman cachangallachu. Ñucataca Cesarllatac tapuchun ninimi— nirca.

HECHOS 25:19

Paitaca: ‘Chai ña huañushca Jesús runaca causacunmi’ nishpa huillashcamantami juchanchircacuna. Shinallatac imata crishcamantapish rimanacurcacunami.

HECHOS 26:3

Tucuita yallica, ñucanchic israelcunapura imata ruhuac cashcatapish, imamanta rimanacucushcatapish, canca alli yachanguimi. Chaimanta cantaca: ‘Ama p'iñarishpa, ñuca huillashcata allita uyai’ nishpami mañani.

1 TIMOTEO 1:4

yachacushpallapish ama c'atichun nishpa jarcangui. Chai yachanacunaca yanga parlocuna, shinallatac mana yupaipac ñaupa taitacunapac shuticunallami. Tucui chaicunaca p'iñanacuillapi churashpami, maijanpish Jesusta cricpi, Taita Dios quishpichisha nicushca crinataca jarcan.

1 TIMOTEO 6:4

imatapish mana yachac jatun tucushcallami. Paica ima rimashcapish “caica cashnami nisha nin” nishpa, shuccunahuan rimanacushpa p'iñanacunallatami munan. Chashna cacpimi shuccuna ama charichun nishpa munanacuipish, macanacuipish, rimanacuipish, shinallatac imatapish mana crinacuipish tiyan.

2 TIMOTEO 2:23

Imapish yanga parlocunataca ama uyanguichu. Chaicuna p'iñanacuipi churac cashcataca canllatac yachanguimi.

TITO 3:9

Shina cacpipish imapish yanga parlocunamanta, mana yupaipac ñaupa taitacunapac shuticunamanta, Moisés mandashcacunata pactachinami nishpa p'iñanacunamanta, shinallatac ima shuctac p'iñanacunamantapish huacaichiringui. Chaicunaca imapish mana alli cashpami yangalla can.