HECHOS 18:12 - Nuevo Testamento en Quichua Cañar 1996

¹² Galión runa Acaya llactata mandacui punzhacunapimi, israelcunaca tandanacushpa, Pablota japishpa, chai mandacpacman aparcacuna.

Dios Rimashcata Quillcashcami

¹² Mandac Galión Acaya llactata mandacui punzhacunapimi, israelcunaca tandanacushpa, Pablota llaquichingapac mandacpac ñaupaman aparca.

HECHOS 18:12 ပူးပေါင်းရင်းမြစ်များ

SAN MATEO 27:19

Pilato pai mandanapi tiyacucpimi, paipac huarmica: —Chai allita ruhuac runamantaca, shuc mancharinatami cunan tutaca muscurcani. Paitaca ama imata ruhuanguichu— nishpa, huillachun cacharca.

SAN JUAN 19:13

Pilato chaita uyashpaca, Jesusta canzhaman llucchishpami pai mandashpa tiyanapi tiyarirca. Chai tiyanaca Gabata nishca pambapimi carca. Hebreo*f** rimaipica “Gabata” nishpaca, “rumihuan ruhuashca pamba” nisha ninmi.

HECHOS 13:12

Mandac Sergioca Apunchic Jesusmanta yachachishcata uyashpa, shinallatac chashna tucushcata ricushpacarin, mana amirishpami crirca.

HECHOS 13:50

Ashtahuanpish: “Chai runacunata c'atishpa cachashunchic” nishpami, israelcunaca gentecunapac alli nishca, Diosta yuyaric huarmicunatapish, shinallatac chai pueblota mandaccunatapish cunarcacuna. Chaimantaca Pablotapish, Bernabetapish llaquichishpami, chai llactamantaca llucchishpa cacharcacuna.

HECHOS 13:7

Chai brujoca Chipre llactata mandac Sergio Paulo runahuanmi apanacuc carca. Chai mandacca alli yachac cashpami, Bernabetaca Saulondic shamushpa Diosmanta huillachun c'ayac cacharca.

HECHOS 13:8

Paicuna ña huillangapac shamucpica, chai brujoca ama crichunmi chai mandactaca jarcarca. Chai brujollatacmi griego*f** rimaipica Elimas shutipish carca.

HECHOS 14:19

Antioquía pueblomantapish, Iconio pueblomantapish maijan israelcuna*f** shamushpaca, gentecunata jatarichishpami, Pablotaca rumicunahuan shitashpa, huañunalla tucungacaman macarcacuna. Chaimantaca: “Ñami huañun” nishpa, siricta aisashpa, chai pueblomanta llucchircacuna.

HECHOS 14:2

Ashtahuanpish Jesusta mana cric israelcunaca criccunahuan ama apanacuchunmi, mana israelcunaman panda yuyaita curcacuna.

HECHOS 17:13

Tesalónica pueblopi causac israelcunaca Berea pueblopipish Diosmanta Pablo huillacucta yachashpami, chaiman rishpa, paita llaquichingapac chai pueblopi causaccunata jatarichircacuna.

HECHOS 17:5

Chashna achcacuna crishcata ricushpami, Jesusta mana cric israelcunaca p'iñarishpa, millai runacunata tandachishpa, chai pueblopi causaccunata caparinacuipi churarcacuna. Chashna ruhuashpaca Pablota, Silasta japishpa, tucui gentecunapac ñaupaman apashun nishpami: “Jasonpac huasipimi canga” nishpa, punguta p'aquircacuna.

HECHOS 18:11

Chaimantami Pabloca Diosmanta alli huillaita Corinto pueblopi yachachishpaca, huata sucta quillacaman causarca.

HECHOS 18:27

Acaya llactaman Apolos risha nicpica, Efeso pueblopi causac criccunaca: “Chaiman rinaca allimi” nishpami, Acayapi causac criccunamanca paita alli chasquichun shuc quillcata cacharcacuna. Acaya llactaman chayashpaca, Dios c'uyashcallamanta Jesusta criccunapacman rishpami, paicunamanca allita ruhuarca.

HECHOS 19:21

Chai q'uipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantaca: “Roma*f** pueblomanpish rinami cani” nicurcami.

HECHOS 25:10

Shina nicpi Pabloca: —Canca jatun mandac César churashca, cai llactata ricucmi cangui. Chaimanta canllatac ñucataca tapuilla. Ñucaca israelcunata ima mana allita mana ruhuashcataca, canllatac yachanguimi.

ROMANOS 15:26

Acaya llactapi, shinallatac Macedonia llactapi causac criccunaca paicunapac munaimanta tandachishpa, Jerusalenpi causac huaccha criccunaman cuchun cachashcamantami, ñucaca chaiman rigrini.

ROMANOS 16:5

Shinallatac Priscilapac, Aquilapac huasipi tandanacuc criccunatapish “allilla cashca cachun” nichic. Asia llactapi causac ñucahuan mai apanacuc Epenetotapish “allilla cashca cachun” nichic. Paimi chai llactapica Jesucristota punta cric carca.

1 CORINTIOS 16:15

C'uyashca criccuna, Acaya llactapi quishpirinamanta alli huillaita huillacpica, Estéfanas paipac familiandic punta cric tucushcataca cancunallatac yachanguichicmi. Paicunami shuctac criccunataca servina yuyailla causancuna.

2 CORINTIOS 1:1

Taita Dios munashcamanta Jesucristo acllashca huillac Pablomi cani. Jesusmanta ñucanchic huauqui Timoteohuan ishcai tucushpa, Corinto pueblopi Diospaclla tandanacushca criccunaman, shinallatac Acaya llactapi cac tucui criccunamanpish “allillachu canguichic” nishpami quillcanchic.

2 CORINTIOS 11:10

Cristomanta cashcata nic shimicunataca ñucaca ricsinitacmi. Chashna cashcamantami ñuca imata mana japishpa cushicunataca, tucui Acaya llactapi causaccunapish mana jarcangachu ni pudini.

2 CORINTIOS 11:26

Tauca cutinmi ñucaca ñancunapipish, yacupipish huañuna manchai, shuhuana manchai, ñuca llacta gentecunamantapish, caru llacta gentecunamantapish manchai carcani. Shinallatac pueblocunapipish, shitashca pambacunapipish, mama cuchapipish manchaimi carcani. “Criccunami canchic” nishpa, llullashpa puriccunamantapish manchaimi purircani.

2 CORINTIOS 9:2

Cancuna cushicushpa, tucui shunguhuan cuna cashcata yachashpami, chashnaca nini. Yalli huatamanta pachami, cancuna Acaya llacta criccuna tucui shunguhuan ayudanata munashcataca, Macedonia llacta criccunamanca cushicushpa huillacunilla. Cancuna chashna c'uyaihuan ayudac cashcata yachashpaca, Macedoniapi causac achca criccunapish cushicushpami, ayudanata munancuna.

1 TESALONICENSES 2:14

Cancuna Jesusta cricpi, cancunapac llacta gentecunallatacmi llaquichirca. Shinallatacmi Judea llactapica, Jesucristota cric Diospac tandanacushca criccunatapish, chai llactapi causac israelcunallatac*f** llaquichircacuna.

1 TESALONICENSES 2:16

Mana israelcunapish*f** quishpirichun nishpa ñucanchic huillashun nicpica, israelcunaca jarcanata munancunami. Chashna jarcashcamantami ashtahuan juchayuc tucuncuna. Chaimantami Taita Diosca paicunata p'iñashpa, yalli jatun llaquita paicunamanca ña cachashca.

SANTIAGO 2:6

Shina cacpipish cancunaca “imata mana charinchu” nishpami, huacchacunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?