HECHOS 17:7 - Nuevo Testamento en Quichua Cañar 1996

⁷ Cai Jasonpish paipac huasipimi paicunataca chasquic cashca. Tucui paicunami jatun mandac César*f** mandashcataca mana cazushpa: ‘Ñucanchicta jatun mandacca Jesusmi’ nincuna— nishpami caparircacuna.

Dios Rimashcata Quillcashcami

⁷ Cai Jasonpish paipac huasipimi chai runacunata chasquic cashca. Tucui paicunami jatun mandac César mandashcataca mana cazushpa: “Ñucanchicta jatun mandacca Jesusmi” nincuna» nishpami caparirca.

HECHOS 17:7 ပူးပေါင်းရင်းမြစ်များ

SAN LUCAS 10:38

Chai q'uipaca Jesús paipac yachacuccunandic rishpami, asha huasicuna tiyacman chayarcacuna. Chaiman chayacpica, Marta huarmimi paipac huasipi Jesustaca parachirca.

SAN LUCAS 23:2

Paipac ñaupapica Jesustaca juchanchishpami: —Cai runaca ñucanchic israelcunata*f** mana allita ruhuachicuctami japircanchic. Paica: ‘Jatun Mandac Quishpichic Cristomi cani’ ninmi. Shinallatac jatun mandac Cesarman*f** pagana impuestotapish ama pagachun ninmi— nircacuna.

SAN JUAN 19:12

Chaita uyashcamanta pachami Pilatoca, ima shinapish Jesusta cacharinata munarca. Shina cacpipish israelcunaca: —¡Cai runata cacharishpaca, jatun mandac Cesarmanca*f** mana allita ruhuanguichu! ¡Maijanpish ‘jatun mandacmi cani’ niricca, jatun mandac Cesarhuanca mana apanacunchu!— nishpa caparircacuna.

HECHOS 16:21

Ñucanchicman mandashca shinaca mana yachachincunachu. Roma llactamanta caccunaca chai yachachishcataca mana uyashun ninchicchu. C'atinatapish mana c'atishun ninchicchu— nircacuna.

HECHOS 17:5

Chashna achcacuna crishcata ricushpami, Jesusta mana cric israelcunaca p'iñarishpa, millai runacunata tandachishpa, chai pueblopi causaccunata caparinacuipi churarcacuna. Chashna ruhuashpaca Pablota, Silasta japishpa, tucui gentecunapac ñaupaman apashun nishpami: “Jasonpac huasipimi canga” nishpa, punguta p'aquircacuna.

HECHOS 17:8

Chashna ninacushpami, tucui chaipi caccunatapish, shinallatac mandaccunatapish jatarichishpa caparinacuipi churarcacuna.

SANTIAGO 2:25

Chai shinallatacmi chai huacllirishpa causac Rahab huarmitapish, chai llactata pacalla ricungapac shamuccunata huasipi chasquishpa shuc ñanta cachashcamanta, Taita Diosca “cashcata ruhuacmi” nishpa chasquirca.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Taita Diosca munan.