HECHOS 16:34 - Nuevo Testamento en Quichua Cañar 1996

³⁴ Ña bautizarishpaca, paipac huasiman pushashpa rishpami, micunata cararca. Paica paipac tucui familiacunandic Taita Diosta crishcamantami, munai cushicurcacuna.

Dios Rimashcata Quillcashcami

³⁴ Ña bautizarishpaca, paipac huasiman pushashpami, micunata cararca. Paipac tucui familiacunandimi Diosta crishcamanta yallita cushicurca.

HECHOS 16:34 ပူးပေါင်းရင်းမြစ်များ

SAN LUCAS 15:32

Cai cambac huauquica, chingarishcamantaca huañushca shinami carca. Cunan cutimushpaca, causarishca shinami. Chashna cashcamantami jatun micuita ruhuashpa, cushicuna canchic’ ” nirca.

SAN LUCAS 19:6

Chashna nicpi Zaqueo uricushcahuanmi, Jesustaca cushicushpa paipac huasiman pushashpa rirca.

SAN LUCAS 5:29

Leví runa Jesushuan rishpaca, paipac huasipimi jatun micuita ruhuarca. Chai huasipica, impuestota japic tauca runacunapish, shinallatac caishuc juchayuccunapish micucurcacunami.

HECHOS 11:14

Canpish, cambac huasi familiacunandic ima shina quishpirina cashcataca paimi huillanga’ nishca carca.

HECHOS 16:15

Chaimantami paipac tucui familiandic bautizarishpa: —Apunchic Jesusta ñuca ña cric cashcata yachanguichicmi. Cunanca jacuchic, ñuca huasipi samaringuichic— nirca. Chashna nishpami, ñucanchictaca saquichirca.

HECHOS 16:35

Cayandic tutamantami chai pueblota mandaccunaca: “Chai runacunataca cacharishpa cachailla” nishpa huillagrichun, soldadocunataca carcelta cuidacpacman cacharcacuna.

HECHOS 2:46

Punzhantami Diosman mañana huasipi tandanacuccuna carca. Shinallatac paicunapac huasicunapipish tandanacushpa, Jesús huañushcata yuyarishpa, c'uyai shunguhuan cushicushpami micuccuna carca.

HECHOS 8:39

Yacumanta llucshicpica, Diospac Espíritu Felipeta apacpimi, chai eunuco runaca ña mana cutin Felipetaca ricurca. Chashna mana ricuricpipish, cushicushpa rircallami.

ROMANOS 15:13

Shuyana yuyaita cuc Taita Diosllatac, criccuna cashcamanta cancunamanca sumac causaitapish, cushi canatapish yallita cushca canman. Imatapish ruhuaclla paipac Espiritullahuantac japingapac shuyana yuyaita yallita charichunmi, chashnaca nini.

ROMANOS 5:11

Chaillapish mana canchu, ashtahuanpish Apunchic Jesucristomanta Taita Dioshuan alli tucushcamantami Diosmanta cushicunchic.

ROMANOS 5:2

Ñucanchic Apunchic Jesucristota crishcallamantami, Taita Diosman cuchuyashpa, pai mai c'uyac cashcataca yachanchic. Shina yachashpami sinchiyashpa, Diospac sumaimana cashcata japina yuyailla cashcamanta cushicunchic.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

FILIPENSES 4:17

Cancuna ima cushcata chasquicunallataca mana yuyanichu, ashtahuanpish cancuna carashcamantaca Taita Diospac ñaupapi ashtahuan charichunmi munani.

FILIPENSES 4:4

¡Cancunaca Apunchic Jesushuan shuc shinalla cashcamanta cushicuichic! ¡Cutin cutinpish cushicuichiclla! ninimi.

FILEMÓN 1:7

C'uyashca huauqui, cambac c'uyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

1 JUAN 3:18

Ñuca c'uyashca huahuacuna, ama shimillahuan “c'uyanimi” nishunchic, ashtahuanpish imatapish ruhuashpatac c'uyashcata ricuchishunchic.