HECHOS 16:20 - Nuevo Testamento en Quichua Cañar 1996

²⁰ Chai mandaccunapacman apashpaca: —Cai Israel*f** runacunami ñucanchic pueblopi p'iñanacuipi churashpa purincuna.

Dios Rimashcata Quillcashcami

²⁰ Chai mandaccunapacman apashpaca: —Cai Israel runacunami ñucanchic pueblopi piñanacuipi churashpa purincuna.

HECHOS 16:20 ပူးပေါင်းရင်းမြစ်များ

SAN MATEO 2:3

Chaita uyashpami, mandac Herodesca ima mundota mancharirca. Jerusalenpi causaccunapish, chashnallatacmi mancharircacuna.

HECHOS 16:19

Chai huambramanta cullquita japina tucuricpimi, Pablota chai amocunaca Silasndic japishpa, jatun plazapi cac mandaccunapacman aparcacuna.

HECHOS 16:21

Ñucanchicman mandashca shinaca mana yachachincunachu. Roma llactamanta caccunaca chai yachachishcataca mana uyashun ninchicchu. C'atinatapish mana c'atishun ninchicchu— nircacuna.

HECHOS 18:2

Chai puebloman chayashpaca, Ponto llactamanta cac Aquila shuti Israel*f** runahuanmi tuparca. Roma*f** llactata jatun mandac Claudio tucui chaipi causac israelcunata:*f** “Cai llactamanta llucshishpa richic” nishcamantami, chai Aquila runaca paipac huarmi Priscilandic Italia llactamanta llucshishpa, Corinto pueblomanca cunanlla shamushcacuna carca. Pabloca paicunapacmanmi rirca.

HECHOS 19:34

Ashtahuanpish Alejandrotaca israelcunapura cashcata ricsishpacarin, ashtahuanmi: “¡Efeso pueblopi causaccunapac Dianaca allimari!” nishpa, tucui chaipi caccunaca ishcai hora shinata huaicashpa caparircacuna.

HECHOS 28:22

Ñucanchicca shuc mushuc yachanata uyashpa c'aticcunata maipipish p'iñashpa rimacllatami uyanchic. Chaimantami canpish chai mushuc yachanata yachachic cashcamanta, ima shina cashcata tapushun ninchic— nircacuna.

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata c'uyacca, Taita Diostaca p'iñanmi. Chaitaca, ¿manachu yachanguichic? Maijanpish cai pachapaclla caccunata c'uyasha niccunaca, Taita Diosta p'iñaccunami tucun.