HECHOS 15:3 - Nuevo Testamento en Quichua Cañar 1996

³ Antioquía criccuna paicunata cachacpica, Fenicia llactata, Samaria llactatami rircacuna. Chai llactacunapica tucui criccunamanmi, mana israelcunapish*f** Taita Diosman cutirishcata parlarcacuna. Chashna parlacpica, chai criccunaca tucuimi munai cushicurcacuna.

Dios Rimashcata Quillcashcami

³ Tandanacushca criccuna paicunata cachacpica, Fenicia llactata, Samaria llactatami mana israelcunapish Diosman cutirishcata parlashpa rircacuna. Chashna parlacpica, chai criccunaca tucuimi yallita cushicurca.

HECHOS 15:3 ပူးပေါင်းရင်းမြစ်များ

SAN LUCAS 15:32

Cai cambac huauquica, chingarishcamantaca huañushca shinami carca. Cunan cutimushpaca, causarishca shinami. Chashna cashcamantami jatun micuita ruhuashpa, cushicuna canchic’ ” nirca.

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

HECHOS 13:48

Chashna nicta mana israelcuna uyashpaca: “¡Diosmanta alli huillaica sumacmari!” nishpami, munai cushicurcacuna. Huiñai causaita charichun Taita Dios acllashcacunaca, tucuimi crircacuna.

HECHOS 13:52

Chai pueblopi causac criccunaca Diospac Espíritu shungupi junda cacpimi, munai cushicurcacuna.

HECHOS 14:27

Antioquía puebloman chayashpaca, chaipi causac tucui criccunatami tandachircacuna. Chashna tandachishpami, Taita Dios paicunahuan cacpi ima allicunata ruhuashcatapish, shinallatac mana israelcunacaman*f** quishpirichun Taita Dios saquishcatapish parlarcacuna.

HECHOS 15:1

Chai punzhacunallatacmi Judea llactamanta maijancunaca Antioquía puebloman shamushpa, chaipi cac criccunataca: “Moisés mandashca shina circuncisionta*f** mana ruhuashpaca, mana quishpiringuichicchu” nishpa yachachircacuna.

HECHOS 15:12

Shina nicta uyashpaca, tucui chaipi caccuna upalla tucushpami, Bernabé parlashcatapish, Pablo parlashcatapish uyarcacuna. Taita Dios paicunahuan cashcamanta mana israelcunapac ñaupapi pi mana ruhuaipaccunatapish, pi mana ricushcacunatapish ruhuashcatami parlarcacuna.

HECHOS 15:22

Shina nishcaca Jesús acllashca huillaccunamanpish, criccunata pushaccunamanpish, tandanacushca tucui criccunamanpish allimi carca. Chaimantami tucui criccuna c'uyashca Barsabás nishca Judastapish, Silastapish Pablohuan, Bernabehuan Antioquía puebloman richun acllarcacuna.

HECHOS 15:32

Judaspish, Silaspish Diosmanta huillaccuna cashpami, chai criccunataca tauca cutin alli cunashpa yachachircacuna. Chashna yachachicpimi, criccunaca cushicushpa, ashtahuan c'atina yuyaita japircacuna.

HECHOS 15:4

Paicuna Jerusalenman ña chayacpica, Jesús acllashca huillaccunapish, criccunata pushaccunapish, shinallatac tucui criccunapish allimi chasquircacuna. Pablopish, Bernabepish Taita Dios paicunahuan ima shina cashcatami parlarcacuna.

HECHOS 17:15

Pablota pushaccunaca Atenas pueblocamanmi pushashpa rircacuna. Paihuan riccuna ña cutimucpica: “Timoteotapish, Silastapish utca caiman tandanacungapac shamuchun nichicyari” nishpami, Pabloca cacharca.

HECHOS 20:38

“Ñucataca ña mana ashtahuan ricunguichicchu” nishcamantami ashtahuan llaquirishpa, barcocaman Pablohuan rircacuna.

HECHOS 21:5

Chai q'uipaca, ñucanchic ña chaimanta rigricpimi, tucui criccuna paicunapac huarmicunandic, huahuacunandic chai pueblomanta llucshishpa, yacu patacaman ñucanchichuan shamurcacuna. Chaipica cungurishpami, Taita Diosman mañarcanchic.

HECHOS 28:15

Romapi causac criccunaca ñucanchic shamucucta yachashpami, ñucanchicta Apio pueblo plazapipish, Quimsa Chuclla pueblopipish tupangapac shamushca carcacuna. Paicunata Pablo ricushpaca, Taita Diosta pagui nishpami munai cushicurca.

HECHOS 8:14

Jesús acllashca huillaccuna Jerusalenpi causacushpami, Samaria pueblopi causaccunapish alli huillaita uyashpa crishcata yachashpaca, Pedrotapish, Juantapish chaiman cacharcacuna.

ROMANOS 15:24

ñuca España llactaman rishpaca, ima shinapish cancunata ricuna yuyailla cani. Ña cancunahuan asha punzhacunata cushicushca q'uipaca, ñuca ricushcaman chayangapac ayudashpa abianacuchunmi munani.

1 CORINTIOS 16:11

Chaimanta cancunapuramanta maijanpish paitaca ama yangallapi churanguichicchu. Chaipac randica, pai ñucata cushilla ricungapac shamuchun ayudaichic. Ñucaca caishuc criccunahuanmi shuyacuni.

1 CORINTIOS 16:6

Cancunapacman chayashpaca, asha punzhacunacaman saquirishapishchari, mana cashpaca tucui tamia quillacunata saquirishapishchari. Shina saquiricpica, chai q'uipa ñuca maiman rina cacpipish, imatapish ricushpa cachanguichic.

2 CORINTIOS 1:16

Macedonia llactaman rishpami, cancunataca punta ricugrinata munarcani. Shinallatac cutishpapish, cutin ricunatami yuyarcani. Chashna ruhuacpimi, ñuca Judea llactaman rinapipish ayudanguichicman carcanguichic.

TITO 3:13

Chai abogado Zenasta, shinallatac Apolosta paicunapac rinapi imapish ama illachun, ima shinapish imallata cushpa ayudangui.