HECHOS 15:25 - Nuevo Testamento en Quichua Cañar 1996

²⁵ Chaimantami ñucanchic tucui mashna alli yuyarishpa, ñucanchicpurallamantatac cai huauquicunata cancunapacman cachanata yuyarircanchic. Paicunatami ñucanchic c'uyashca Bernabehuan, Pablohuan cachanchic.

Dios Rimashcata Quillcashcami

²⁵ Chaimantami ñucanchic tucui mashna alli yuyarishpa, ñucanchicpurallamantatac cai huauquicunata cancunapacman cachanata yuyarircanchic. Paicunatami ñucanchic cuyashca Bernabehuan, Pablohuan cachanchic.

HECHOS 15:25 ပူးပေါင်းရင်းမြစ်များ

SAN MATEO 11:26

Ari, ñuca Taitito, can chashna ruhuasha nishcamantami, chashnaca ruhuashcangui.

SAN LUCAS 1:3

Ñucanchic alli nishca Teofilolla, ñucapish tucui chaicunata callarimanta alli tapushpa chashnatac cashcata yachashpami, canman parlanaca alli cacpi, tucui ima tucushcataca sumacta quillcashpa yachachini.

HECHOS 1:14

Tucui paicunami Jesuspac huauquicunahuanpish, paipac mama Mariahuanpish, shinallatac caishuc huarmicunahuanpish Taita Diosman mañangapac tandanacuclla carcacuna.

HECHOS 15:2

Chashna yachachicucpimi, Pabloca Bernabendic chai yachachic runacunahuan sinchita rimanacurcacuna. Ña mana allichipac cacpimi, Antioquía criccunaca Pablota, Bernabeta maijan shuc criccunandic Jerusalenman rishpa, Jesús acllashca huillaccunahuanpish, criccunata pushaccunahuanpish parlanacushpa, allichichun cacharcacuna.

HECHOS 15:22

Shina nishcaca Jesús acllashca huillaccunamanpish, criccunata pushaccunamanpish, tandanacushca tucui criccunamanpish allimi carca. Chaimantami tucui criccuna c'uyashca Barsabás nishca Judastapish, Silastapish Pablohuan, Bernabehuan Antioquía puebloman richun acllarcacuna.

HECHOS 15:35

Shinallatac Pabloca Bernabendic chai Antioquía pueblollapitac saquirishpami, Apunchic Jesusmanta alli huillaitaca taucacunahuan huillarcacuna.

HECHOS 15:6

Chaita uyashpami, Jesús acllashca huillaccunapish, criccunata pushaccunapish chashna nishcataca alli yuyarinacungapac tandanacurcacuna.

HECHOS 2:1

Pentecostés*f** punzha chayamucpica, Jesusta criccunaca tucuillami shuc shinalla tandanacushca carcacuna.

HECHOS 2:46

Punzhantami Diosman mañana huasipi tandanacuccuna carca. Shinallatac paicunapac huasicunapipish tandanacushpa, Jesús huañushcata yuyarishpa, c'uyai shunguhuan cushicushpami micuccuna carca.

ROMANOS 16:12

Apunchic Jesuspacta ruhuac Trifenatapish, Trifosatapish “allilla cashca cachun” nichic. Shinallatac ñucahuan mai apanacuc Persidepish cai tucuita Apunchic Jesuspacta ruhuac cashcamantaca, paitapish “allilla cashca cachun” nichic.

1 CORINTIOS 1:10

C'uyashca criccuna, Apunchic Jesucristopac shutipimi ama ch'icanyarinacushpa, shuc shinalla tucushpa causachun mañani. Tucui imapipish shuc yuyailla, shuc shinalla yuyarishpa, c'uyanacushpa causaichic.

GÁLATAS 2:9

Chaimantami criccuna alli nishca Pedropish, Jacobopish, Juanpish Taita Dios ñucata c'uyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina alli huillaita huillac cashcata ricuchingapacmi maquita curcacuna. Shina maquita cushpami, ñucanchicca mana israelcunaman, paicunaca israelcunaman huillagrinaca allimi nircacuna.

EFESIOS 6:21

Ima shina ñuca causacushcatapish, ñucamanta tucui imalla huillanatapish, Apunchic Jesuspacta allita ruhuac, ñucanchic c'uyashca cric huauqui Tiquicomi apashpa huillagringa.

COLOSENSES 4:7

Jesusmanta ñucanchic c'uyashca huauqui Tiquicoca Jesucristopacta ruhuac cashpami, ñucataca tucui imapipish ayudacun. Paimi ñucamantaca tucui ima huillana cashcataca huillagringa.

COLOSENSES 4:9

Ñucanchic c'uyashca, allita pactachic huauqui Onesimopish paihuanmi rin. Paica cancunapurallatacmi can. Paicunami caipi tucui ñucanchic ima shina cashcatapish parlanga.

FILEMÓN 1:16

Cunanca ña mana cambac randishca runa shinallachu, ashtahuanpish Jesusta crishcamantaca shuc c'uyashca huauqui shinami tucushca. Ñucapish maimi paitaca c'uyani. Cancarin ñucata yallimari c'uyana cangui. Mana shuc yanga runalla shinachu c'uyana cangui, ashtahuanpish Apunchic Jesusta cric huauqui cashcamantami, ashtahuan c'uyana cangui.

2 PEDRO 3:15

Apunchic Jesús pai llaquishcamanta maijanpish quishpirichun nishpa, mana utca shamushpa shuyacushcataca yuyarichicyari. Caicunallamantatacmi ñucanchic c'uyashca huauqui Pablopish, Dios yuyaita cucpi cancunamanca ña quillcarca.