HECHOS 15:11 - Nuevo Testamento en Quichua Cañar 1996

¹¹ Ashtahuanpish Apunchic Jesús c'uyashcallamantami, ñucanchicpish paicuna shinallatac quishpichishca canchic— nirca.

Dios Rimashcata Quillcashcami

¹¹ Ashtahuanpish Apunchic Jesús cuyashcallamantami, ñucanchicpish, paicuna shinallatac quishpichishca cashun. Chaitami crinchic— nirca.

HECHOS 15:11 ပူးပေါင်းရင်းမြစ်များ

ROMANOS 3:24

Ashtahuanpish Taita Diosca Jesucristo juchapi huatashca shinamanta cacharichicpimi, c'uyashcallamanta paihuan alli tucuchun chasquin.

ROMANOS 5:15

Adán juchallishcapish Taita Dios c'uyashpa quishpichisha nicpica, imapish mana canchu. Adán juchallishcallamantami tucui gentecuna huañuna carca. Shina cacpipish Taita Dios c'uyashcallamanta Jesucristota cachashpa, paillamanta quishpichisha nishcami, tucuimanta yalli ashtahuan alli can.

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

1 CORINTIOS 16:23

Apunchic Jesucristo paipac sumaimana c'uyaita tucui cancunaman cushca cachun.

2 CORINTIOS 13:14

Apunchic Jesucristo sumac c'uyaita cucpi, Taita Dios c'uyacpi, shinallatac Diospac Espíritu shuc shinallatac ruhuacpi, cushilla causachunmi munani.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

GÁLATAS 1:6

Jesucristo mai c'uyashcamantami, Taita Diosca cancunataca acllarca. Chaimantami cancuna shuctac yachachishcata c'atishpa, Taita Diosmanta utca caruyacushcata yachashpaca mancharini.

GÁLATAS 2:16

Shina cacpipish Moisés mandashcacunata pactachishcallamantaca, Taita Diosca pitapish mana paihuan alli tucuchun chasquinchu, ashtahuanpish Jesucristota crishcallamantami paihuan alli tucuchun chasquin. Chaitaca yachanchicmi. Chaimantami ñucanchicpish mana Moisés mandashcacunata pactachishcallamanta, ashtahuanpish Jesucristota crishcallamanta Taita Dioshuan alli tucushca cangapac crishcanchic. Moisés mandashcacunata pactachishcallamantaca, Taita Diosca pitapish paihuan alli tucuchunca mana chasquinchu.

TITO 2:11

Taita Dios tucui gentecunata quishpichisha nishpa, mai c'uyac cashcata ricuchishcamantami, chashnaca yachachina cangui.

APOCALIPSIS 5:9

Shinallatac shuc mushuc cantota cantashpaca: —Canllami unanchishcacunata p'itishpa, pillushca p'angata pascaipacmi cangui. Canca huañushpami, Taita Diospac cachun tucui aillucunamantapish, tucui laya rimaita rimaccunamantapish, tucui llactacunamantapish, tucui laya gentecunamantapish cambac yahuarhuan randishpa tandachishcangui.