HECHOS 14:7 - Nuevo Testamento en Quichua Cañar 1996

⁷ Chaicunapipish alli huillaitaca huillarcacunami.

Dios Rimashcata Quillcashcami

⁷ alli huillaita huillarcacuna.

HECHOS 14:7 ပူးပေါင်းရင်းမြစ်များ

HECHOS 11:19

Estebanta huañuchishpaca, caishuc criccunatapish llaquichi callaricpimi, maijan criccunaca Fenicia llactamanpish, Chipre llactamanpish, Antioquía pueblomanpish urata janacta miticushpa rircacuna. Paicuna chai llactacunaman rishpaca, quishpirinamanta alli huillaitaca israelcunallamanmi*f** huillarcacuna.

HECHOS 14:15

—¡Uyaichic! ¿Imapactac chashna ruhuashun ninguichic? Ñucanchicca cancuna shina runacunallami canchic. Cancuna cashna yangalla ruhuanata saquishpa, causac Taita Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

HECHOS 14:21

Chai Derbe pueblopipish alli huillaita huillacpica, achcacunami crircacuna. Chai q'uipaca, cutinllatacmi Listra puebloman, Iconio puebloman, shinallatac Antioquía puebloman cutircacuna.

HECHOS 16:10

Pablo chashna muscuipi shina ricushcata huillacpica: “Taita Diosmi ñucanchictaca chai llactapi alli huillaita huillachun c'ayashca” nishpami, Macedonia llactaman rina yuyailla carcanchic.

HECHOS 17:2

Pabloca maipipish tandanacuna huasiman yaicuclla cashpami, quimsa semanata samana punzhacunapica*f** chai huasipi tandanacushca gentecuna ima tapushcatapish cutichishpa yachachirca.

HECHOS 8:4

Chashna llaquichicucpi, Jerusalenmanta miticushpa ric criccunaca maita rishpapish, quishpirinamanta alli huillaita huillanataca manatac saquircacunachu.

1 TESALONICENSES 2:2

Filipos pueblopi ñucanchicta yallita c'amishpa, llaquichishca cashcataca yachanguichicmi. Shinallatac cancunapacman chayashpa ñucanchic llaquihuan cashpapish, Diosllatac mana manchashpa cancunaman paimanta alli huillaita huillachun yuyaita cushcatapish yachanguichicmi.

2 TIMOTEO 4:2

Alli huillaitaca uyasha nicpi, mana uyasha nicpipish huillacunguilla. Mana p'iñarishpa alli yachachishpa rimacuilla, cunacuilla nishpami mingani.