HECHOS 13:40 - Nuevo Testamento en Quichua Cañar 1996

⁴⁰ Chaimanta alli yuyarichic. Ñaupa huillaccunaman Taita Dios ima shina huillachishcaca, pacta cancuna chashna tucunguichicman. Paica cashnami nishca:

Dios Rimashcata Quillcashcami

⁴⁰ Chaimanta alli yuyarichic. Pacta Dios ima nishcata huillaccunaman huillachishca shina tucunguichicman. Paica:

HECHOS 13:40 ပူးပေါင်းရင်းမြစ်များ

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

SAN JUAN 6:45

Ñaupa huillaccuna quillcashcapica: ‘Taita Diosmi tucui gentecunaman yachachinga’ ninmi. Chashna cashcamantami, maijanpish Taita Dios ima nishcata uyashpa paimanta yachacucca, ñucapacman shamunga.

HECHOS 15:15

Caica ñaupa huillaccunaman Taita Dios quillcachishpa, huillachishca shinami tucushca. Chaipica:

HECHOS 7:42

Chaimantami Taita Diosca paicunamanta caruyarca. Shinallatac paicunapac quiquin munaita ruhuashpa, lucerocunata adorachunpish saquircalla. Shinallatacmi ñaupa huillaccunaman Taita Dios quillcachishpaca, cashna nishca: ‘Israelcuna, cancuna chuscu chunga huatata shitashca pambapi cashpa, animalcunata rupachishpaca, mana ñucamanchu curcanguichic.

HEBREOS 12:25

Chaimanta Dios cancunata rimacta mana uyashun ninamantaca cuidaringuichic. Cai pachapi Dios ima nishcata mana cazuccunaca, tucuimi llaqui tucurca. Ñucanchiccarin jahua pachamanta rimacucta mana cazushpaca, ¿ima shinatac llaquimantaca anchurishunyari?

HEBREOS 2:3

Shina cacpica cai sumac quishpirinamanta huillashcata yangapi churashpaca, ¿ima shinatac jatun llaquimanta quishpirishunyari? Cai quishpirinataca Apunchic Jesusmi punta huillarca. Chaimantami pai huillashcata uyaccunaca chashnatac cashcata yachashpa, ñucanchicman huillarca.

HEBREOS 3:12

C'uyashca criccuna, cancunapuramanta shucllapish millai yuyaihuan mana crisha nishpa, pacta causac Diosmanta caruyanguichicman.