HECHOS 13:30 - Nuevo Testamento en Quichua Cañar 1996

³⁰ Paicuna chashna ruhuacpipish, Taita Diosca huañushcacunapuramantami causachirca.

Dios Rimashcata Quillcashcami

³⁰ Paicuna chashna ruhuacpipish, Diosca huañushcacunapuramanta causachircami.

HECHOS 13:30 ပူးပေါင်းရင်းမြစ်များ

SAN MATEO 28:6

Paica mana caipichu. Pai nishca shinallatac, ña causarircami. Shamuichic, paita maipi churashcapi ricunguichic.

SAN JUAN 10:17

Ñucaca huañuna cacpipish, q'uipaman causaringapacca huañushallami. Chaimantami ñuca Taitaca ñucata c'uyan.

SAN JUAN 2:19

Chashna nicpi Jesusca: —Diosman mañana cai huasita urmachishpa saquichic. Quimsa punzhapica cutin shayachishallami— nirca.

HECHOS 10:40

Chashna huañuchicpipish, Taita Diosca quimsa punzhapi causachishpami, ñucanchicman cutin ricuchirca.

HECHOS 13:33

Jesusta causachishpa ñucanchicman cushpami, Taita Dios chai cusha nishcataca pactachishca. Chaimantami Taita Diosca q'uipa Salmopica: ‘Canca ñuca Churimi cangui. Cunanca ñuca Huahuatacmi cangui’ nin.

HECHOS 13:34

Shinallatac Taita Diosca: ‘Davidta llaquishpa, allicunata cusha’ nishcamantami, Jesusta huañushcacunapuramanta causachishpaca, ña mana cutin huañushpa ismuchun paipac cuerpotaca mana saquircachu.

HECHOS 13:37

Ashtahuanpish Taita Dios causachishca Jesuspac cuerpoca, manatac cutin huañushpa ismurcachu.

HECHOS 17:31

Taita Diosca pai acllashca punzhapimi, tucui cai pachapi causaccunataca imalla ruhuashca shinallatac taripanga. Chaita ruhuachunca, pai acllashca runatami cachanga. Chashna taripanata gentecuna yachachunmi, paitaca huañushcacunapuramanta causachirca” nirca.

HECHOS 2:24

Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 3:13

ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 3:26

Taita Dios paipac Churita causachishpaca, cancunaman allicunata cuchunmi, cancunapacmanca punta cacharca. Cancuna millai causaita saquishpa alli causachunmi, paitaca chashna cacharca” nirca.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

HEBREOS 13:20

Ñucanchic Apunchic Jesustaca, sumac causaita cuc Taita Diosmi huañushcacuna puramanta causachirca. Taita Dioshuan huiñaipac ari ninacushcata pactachic yahuarta jichashcamantami, paica ovejacunapac michic shina ñucanchic Jatun Michic can.