HECHOS 13:16 - Nuevo Testamento en Quichua Cañar 1996

¹⁶ Shina nicpi Pabloca jatarishpa, maquihuan “upalla caichic” nishpami, paicunataca: —Tucui caipi cac Israel huauquicunalla, Taita Diosta manchac caishuccunapish, ñuca ima nishcata uyaichic.

Dios Rimashcata Quillcashcami

¹⁶ Chaimanta Pablo jatarishpa, upallachu maquihuan señata ruhuashpaca: —Israel huauquicunapish, Diosta manchac mana israelcunapish, caita uyaichic.

HECHOS 13:16 ပူးပေါင်းရင်းမြစ်များ

SAN MATEO 11:15

Maijanpish rinrita charicca, cai ñuca nishcata alli uyaichic.

SAN LUCAS 1:22

Zacarías ña canzhaman llucshishpaca, imata mana rimai pudishpami, ima tucushcataca maquihuan seña ruhuashpalla huillarca. Chashna mana rimai pudishpa, upa saquiricpimi: —Diospaclla cac ucupimi, ¿imatachari ricushca yuyachin?— nircacuna.

SAN LUCAS 1:50

Taita Diosca maijanpish paita manchashpa cazuccunataca llaquicungallami.

SAN LUCAS 23:40

Shina nicpica, caishuc huañuchic runaca: —Canpish pai shinallatac llaquita apacushpapish, ¿manachu Diostaca manchangui?

HECHOS 10:2

Chai runaca paipac tucui familiandicmi Diosta manchac, yuyaric, mañarac carca. Shinallatac israelcunapurapi*f** huacchacunaman cullquita cucmi carca.

HECHOS 10:35

Mai llactapipish Diosta manchashpa allita ruhuaccunataca, Taita Diosca alli nicmi cashca.

HECHOS 12:17

Paica maquillahuan “upalla caichic” nishpami, Mandac Dios ima shina paita carcelmanta llucchishpa cachashcata paicunaman parlarca. Chashna parlashpaca: —Caitaca Jacobomanpish, caishuc criccunamanpish parlanguichic— nishpaca, chaimanta llucshishpa, shuc llactaman rircallami.

HECHOS 13:26

Ñucanchic taita Abrahammanta mirarishca huauquicunalla, shinallatac Taita Diosta manchac caishuccunapish, cai quishpirinamanta huillashcaca cancunamanmi.

HECHOS 13:46

Chashna rimacucpipish, Pabloca Bernabendic mana manchashpami, cashna nishpa huillarcacuna: —Cancuna israelcunamanracmi, Diosmanta alli huillaita huillana carcanchic. Cai huillashcata cancuna mana uyashun nishpa, huiñai causaita mana chasquishun nircanguichicchu. Chaimanta cunanllatacmi, mana israelcunaman huillangapac rigrinchic.

HECHOS 19:33

Chai tandanacushcacunapac chaupimantami, israelcunaca*f** Alejandro runataca imallatapish nichun t'angashpa cacharcacuna. Chashna cachacpi, Alejandroca tucui chaipi caccunapac ñaupapi shayarishpa, maquihuan upallachishpami: “Ñucanchic israelcunaca mana jatarichishcanchicchu” ninata munarca.

HECHOS 2:14

Pedroca Jesús acllashca caishuc chunga shuc huillaccunandic shayarishpami, tucui chaipi caccunaman sinchita rimashpaca: “Tucui cai Jerusalenpi causac israelcunapish,*f** mana caipi causac israelcunapish, ñuca huillashcata alli uyaichic.

HECHOS 2:22

Tucui israelcuna, cai ñuca huillashcata alli uyaichic: Taita Diosca Nazaret pueblomanta Jesusta cachashpami, pi mana ruhuaipaccunata ruhuachishpa, pi mana ricushcacunatapish ricuchishpa, Jesús pi cashcata cancunamanca ricuchirca. Chaitaca cancunallatac alli yachanguichicmi.

HECHOS 21:40

Shina nicpi pai huillachun saquicpica, chai gradapi Pablo shayarishpami, maquihuan gentecunata upallachirca. Paicuna ña upallacpica, hebreo*f** rimaipimi cashna nishpa huillarca:

HECHOS 22:22

Pablo cai tucuita huillangacamanca, israelcunaca*f** allimi uyarcacuna. Ashtahuanpish “mana israelcunapacman*f** cachani” nishcata uyashpaca: —¡Huañuchichiclla! ¡Cai runa causachunca, mana saquinachu canchic!— nishpami caparircacuna.

HECHOS 3:12

Chashna tandanacumucta ricushpaca, Pedroca: “Tucui israelcuna,*f** ¿ima nishpatac cai runata alliyachishcata ricushpalla mana amiringuichic? ¿Ima nishpatac ñucanchictaca ricuracunguichic? Mana ñucanchicchu chashna alliyachishcanchic. Shinallatac mana Taita Diosman mañaccuna cashcallamantachu alliyachishcanchic,

APOCALIPSIS 2:11

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Millaita mishaccunaca q'uipa huañuipica ima llaquita mana apangachu.

APOCALIPSIS 2:17

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca pacashca tiyacuc maná shuti tandatami carasha. Shinallatac yuraclla rumitami cusha. Chaipica mushuc shutita quillcashcami canga. Chaitaca pipish mana ricsingachu, ashtahuanpish chaita chasquicllami ricsinga.

APOCALIPSIS 2:29

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun.

APOCALIPSIS 2:7

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca Diospac llactapi cac causaita cuc yuramantami carasha.