HECHOS 12:8 - Nuevo Testamento en Quichua Cañar 1996

⁸ Chai angelca: “Chumbilliri, cambac ushutatapish churari” nircami. Pedro chashna ruhuacpica, cutin chai angelca: “Jahualla churanatapish churarishpa, ñucata c'ati” nirca.

Dios Rimashcata Quillcashcami

⁸ Shinallatac angelca: «Chumbilliri, ushutatapish churari» nircami. Pedro chashna ruhuacpica, cutin chai angelca: «Jahualla churanatapish churarishpa, ñucata cati» nirca.

HECHOS 12:8 ပူးပေါင်းရင်းမြစ်များ

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

MARCOS 6:9

Ushutata churarishpapish, ama yanandic churanataca apanguichicchu— nirca.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

HECHOS 12:7

Chashna cuidacucpipish, Mandac Dios cachashca ángel shamucpica, cungailla chai ucuca achiclla tucurcallami. Chai angelca: “¡Utca jatari!” nishpami, Pedrotaca cuyuchishpa ricchachirca. Chashna nicpica, huatashca cadenacunaca Pedropac maquicunamanta cacharirishpa urmarcallami.

HECHOS 12:9

Chashna nicpi, Pedroca chai angelta c'atishpami llucshirca. Paica ángel chashna llucchicushcataca mana yuyarcachu, ashtahuanpish “muscuillapimi ricucuni” yuyarcami.

HECHOS 27:23

Ñucaca Taita Diospac cashpami, paita servini. Chashna cashcamantami Taita Diosca cunan tuta paipac angelta cachashpaca:

HECHOS 8:26

Mandac Dios cachashca angelmi Felipetaca: “Jatari, Jerusalenmanta Gaza puebloman rina, shitashca pambata ric ñanta japishpa, uraiman ri” nirca.