HECHOS 12:24 - Nuevo Testamento en Quichua Cañar 1996

²⁴ Ashtahuanpish Diosmanta alli huillaita tucui llactacunapi huillacpica, achcacunami crishpa c'atircacuna.

Dios Rimashcata Quillcashcami

²⁴ Diospac shimica ashtahuanmi huillarishpa catirca.

HECHOS 12:24 ပူးပေါင်းရင်းမြစ်များ

SAN MATEO 16:18

Ñucapish cantaca Pedromi*f** cangui ninimi. Cai rumi jahuapi huasichic shinami, tandanacushca criccunataca mirachisha. Chashna miraricpica, huañuipish mana ati pudingachu.

HECHOS 11:21

Taita Dios paicunahuan cacpimi, achcacuna Apunchic Jesusta crishpa, ñaupa mana alli causaita saquircacuna.

HECHOS 19:20

Apunchic Jesusmanta maipipish huillacpica, tucui chai imalla tucushcacunata ricushpami, ashtahuan crishpa mirarircacuna.

HECHOS 5:39

Ashtahuanpish Taita Diosmanta yachachicucpica, cancunaca mashnata jarcashun nicushpapish, mana jarcai pudinguichicchu. Chaimanta alli yuyaringuichic, pacta Taita Diosllatac chashna ruhuachicucpi jarcashun nicunguichicman— nirca.

HECHOS 6:7

Jerusalenpica Diosmanta alli huillaita ashtahuan huillacpimi, achca gentecuna Jesusta crishpaca, achca criccuna tucurcacuna. Shinallatac Israel*f** curacunapish, achcacunami Jesusta crishpa cazurcacuna.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

2 TESALONICENSES 3:1

Ña tucuchingapacca caitami nini: Cancuna chasquishca shinallatac, Apunchic Jesucristomanta huillashcata tucui llactacunapi sumacta utca chasquichunca, ñucanchicmanta Diosman mañaichic.