HECHOS 11:28 - Nuevo Testamento en Quichua Cañar 1996

²⁸ Chai huillaccunapuramantaca Agabo runa shayarishpami, Diospac Espíritu yuyaita cucpi: “Tucui llactacunapi ima mana p'ucucpi yarcaimi tiyanga” nishpa huillarca. Chaica jatun mandac Claudio mandacui punzhacunapimi, chashna tucurca.

Dios Rimashcata Quillcashcami

²⁸ Agabo shuti runa shayarishpa, Diospac Espíritu yuyaita cucpi, tucui llactacunapi ima mana pucucpi yarcai tiyanamanta huillarca. Chaica, jatun mandac Claudio mandacui punzhacunapimi, chashna tucurca.

HECHOS 11:28 ပူးပေါင်းရင်းမြစ်များ

SAN MATEO 24:14

Taita Dios mandacucmanta alli huillaitaca tucui gentecuna yachachunmi, tucui llactacunapi huillashca canga. Chai q'uipami cai pachaca tucuringa.

SAN MATEO 24:7

Shuc llactapi causaccunaca, caishuc llactapi causaccunahuanmi macanacungacuna. Llactacunata mandandaccunapurapish macanacuchingacunami. Shinallatac maijan llactacunapica allpa chucchuipish, yarcaipish tiyangami.

SAN LUCAS 2:1

Chai punzhacunapica Roma*f** llactata jatun mandac Augustomi, tucui pai mandacuc llactacunapi causaccunata paicunapac shuticunata quillcachichun huillachirca.

SAN LUCAS 3:1

Ña chunga pichca huatata jatun mandac Tiberio Roma*f** llactata mandacucpimi, Poncio Pilatoca Judea llactata mandacurca. Herodesca Galilea llactata, paipac huauqui Felipeca Iturea llactata, shinallatac Traconite llactatapishmi mandacurca. Shinallatac Lisaniasca Abilinia llactatami mandacurca.

HECHOS 18:2

Chai puebloman chayashpaca, Ponto llactamanta cac Aquila shuti Israel*f** runahuanmi tuparca. Roma*f** llactata jatun mandac Claudio tucui chaipi causac israelcunata:*f** “Cai llactamanta llucshishpa richic” nishcamantami, chai Aquila runaca paipac huarmi Priscilandic Italia llactamanta llucshishpa, Corinto pueblomanca cunanlla shamushcacuna carca. Pabloca paicunapacmanmi rirca.

HECHOS 21:10

Ñucanchic ña tauca punzhacunata chaipi cacpimi, Diosmanta huillac Agabo runaca Judea llactamanta chayamurca.