HECHOS 10:9 - Nuevo Testamento en Quichua Cañar 1996

⁹ Cayandic punzha chai cachashca runacuna Jope puebloman ñanta shamucucpica, ña chaupi punzha shina cacpimi, Pedroca pai pozana huasi jahuaman huichicushpa, Taita Diosman mañacurca.

Dios Rimashcata Quillcashcami

⁹ Cayandi punzha, chai runacuna Jope puebloman ñanta chayacucpica, chaupi punzha shina cacpimi, Pedroca pai pozana huasi jahuaman huichicushpa, Diosta mañacurca.

HECHOS 10:9 ပူးပေါင်းရင်းမြစ်များ

SAN MATEO 20:5

Cutinllatac chai chagrayucca chaupi punzhata, shinallatac quimsa pacha chishi shinata rishpapish, chashnallatacmi ruhuarca.

SAN MATEO 24:17

Shinallatac maijanpish huasi jahuapi*f** cashpaca, huasi jahuamanta uricushpa imata charishcata apangapacllapish, ama uricuchun.

SAN MATEO 27:45

Chaupi punzhamanta quimsa horas chishi tucungacamanmi, tucui cai pachaca amsayarca.

SAN MATEO 6:6

Chaimanta can Taita Diosman mañashpaca, ucuman yaicui, punguta huichcai, cambac Taita Diosman pacalla mañai. Can pacallapi mañacushcatapish ricuc Taita Diosca, can japina cashcataca cungami.

MARCOS 1:35

Jesusca manarac achicyamucpi, amsa amsapirac jatarishpami, chai pueblomanta llucshishpa, pipish mana causana pambapi Taita Diosman mañagrirca.

MARCOS 6:46

Chai q'uipami, Taita Diosman mañangapac Jesusca urcuman rirca.

HECHOS 10:3

Shuc punzha chaupi chishi shinata Taita Diosman mañacucpimi, Dios cachashca angelca muscuipi shina cungailla ricurishpaca: —Cornelio— nirca.

HECHOS 6:4

Paicuna chaita ruhuacucpica, ñucanchicca Taita Diosman mañanatapish, paimanta huillanatapish mana saquishunchu— nircacuna.

EFESIOS 6:18

Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

1 TIMOTEO 2:8

Jesusta cric c'aricunaca, maipi cashpapish mana p'iñarishpa, imatapish mana rimanacushpa, jahuaman maquita chutashpa alli shunguhuan Taita Diosman mañachunmi munani.