HECHOS 10:38 - Nuevo Testamento en Quichua Cañar 1996

³⁸ Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

Dios Rimashcata Quillcashcami

³⁸ Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

HECHOS 10:38 ပူးပေါင်းရင်းမြစ်များ

SAN MATEO 12:15

Chashna ninacucta Jesús yachashpa chaimanta ricpica, achca gentecunami c'atishpa rircacuna. Jesusca tucui ungushcacunatami alliyachirca.

SAN MATEO 12:28

Ñucaca Diospac Espirituhuan cashpami, supaicunataca llucchishpa cachani. Chashna ruhuashpami, cancunapurapi Taita Dios mandai callarishcataca ricuchicuni.

SAN MATEO 9:19

Chashna nicpimi Jesusca jatarishpa, paipac yachacuccunandic chai runahuan rirca.

SAN MATEO 9:35

Jesusca tucui pueblocunatapish, llactacunatapish purishpami, israelcuna*f** tandanacuna huasicunapica yachachirca. Shinallatac Taita Dios mandacucmanta alli huillaita huillashpami, tucui laya ungushcacunatapish, nanaihuan caccunatapish alliyachishpa puricurca.

MARCOS 6:6

Jesusca chai gentecuna mana cricpimi, mai llaquirishpa, chai muyundic llactacunallapi yachachishpa puricurca.

SAN LUCAS 3:22

Chashnallatac Diospac Espíritu paloma shina jahuamanta shamushpa, paipac jahuaman uricumucuctami ricurca. Shinallatac jahua pachamanta rimashpaca: —Canmi ñuca c'uyashca Churi cangui. Canllami ñucataca cushichingui— nishcami uyarirca.

SAN LUCAS 4:18

“Ñucaca Diospac Espirituhuanmi cani. Taita Diosca ñucata acllashpaca, llaquilla causac huacchacunaman alli huillaita huillachun, shungupi llaquirishpa causaccunatapish alliyachichunmi cacharca. Prezu caccunamanpish, ña chaimanta llucshina tiyashcata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunpish cacharcami.

SAN LUCAS 9:42

Jesuspacman chai huambra ña cuchuyamucpica, cutinllatacmi supaica chucchuchishpa, pambaman urmachirca. Chashna cacpipish Jesusca chai supaitaca sinchita rimashpami, llucchishpa cacharca. Chashna alliyashca huambratami taitaman curca.

SAN LUCAS 9:56

Runa Tucungapac shamushca*f** ñucaca, pitapish mana chingachingapacchu shamurcani, ashtahuanpish quishpichingapacmi shamurcani— nishpa, sinchita rimarca. Chashna nishpaca, shuc llactaman rircacunallami.

SAN JUAN 10:32

Chashna cacpipish Jesusca: —Ñuca Taitapac imatapish ruhuaclla cashcahuanmi, cancunapac ñaupapica tauca allicunata ruhuarcani. Chashna cacpica, ¿maijan ruhuashcacunamantatac ñucataca rumihuan shitashun ninguichic?— nirca.

SAN JUAN 16:32

Cunanca ñami chai punzhaca chayamun. Cunanllatacmi cancunaca ñucallata saquishpa, caita chaita ringuichic. Shina cacpipish mana ñucallachu cani, ashtahuanpish ñuca Taitaca ñucahuanmi.

SAN JUAN 3:2

Paimi Jesuspacman tuta rishpaca: —Yachachic. Ñucanchicca can Dios cachashca yachachingapac shamushcataca yachanchicmi. Pipish can ruhuacuc shina, pi mana ruhuaipaccunataca mana Dioshuan cashpaca, mana ruhuanmanchu— nirca.

SAN JUAN 3:34

Taita Diosllatacmi pai cachashca cai pachaman shamucmanca, paipac Espiritutaca yallita cushca. Chaimantami paica Taita Diosmanta huillan.

SAN JUAN 6:27

Cancunaca ama chingariclla micunata mashcaichicchu. Chaica chingaringallami, ashtahuanpish mana chingaric micunata mashcaichic. Chai micunami huiñai causaitaca cun. Chai micunataca Runa Tucungapac shamushca*f** ñucallami cusha. Chaita cuchunmi Taita Diosca ñucataca cacharca— nirca.

HECHOS 10:37

Juan bautizarinamanta huillashca q'uipaca, Galilea llactamanta callarishpa, Judea llactacaman ima tucushcataca cancunallatac alli yachanguichicmi.

HECHOS 2:22

Tucui israelcuna, cai ñuca huillashcata alli uyaichic: Taita Diosca Nazaret pueblomanta Jesusta cachashpami, pi mana ruhuaipaccunata ruhuachishpa, pi mana ricushcacunatapish ricuchishpa, Jesús pi cashcata cancunamanca ricuchirca. Chaitaca cancunallatac alli yachanguichicmi.

HEBREOS 1:9

Canca allita ruhuanataca c'uyashcanguimi. Mana allita ruhuanataca p'iñashcanguimi. Chaimantami cambac Taita Diosca, caishuccunamanta yalli canman cushicuita cungapac canta acllashcani” ninmi.

1 PEDRO 5:8

Cancunata mana ricunachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.