HECHOS 10:31 - Nuevo Testamento en Quichua Cañar 1996

³¹ Chashna ricurishpaca: ‘Cornelio, can mañashcataca Taita Diosca uyashcami. Shinallatac can tucui imallacunata mana chariccunaman cushcacunatapish ricushcami.

Dios Rimashcata Quillcashcami

³¹ Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

HECHOS 10:31 ပူးပေါင်းရင်းမြစ်များ

SAN LUCAS 1:13

Chashna mancharicucpimi, angelca cashna nirca: —Zacarías, ama mancharichu. Can mañashcataca Taita Diosca uyashcami. Cambac huarmi Elisabetca c'ari huahuatami charigrin. Chai huahuataca Juan shutitami shutichingui.

HECHOS 10:30

Shina nicpi Cornelioca: —Sarun, cunan shina chishipimi, cai ñuca huasipi ayunashpa, Diosman mañacucpi, jagan nicuc churanata churashca runa ñapish ricurirca. Chaica ña chuscu punzhami tucun.

HECHOS 10:32

Cunanca Jope pueblopi cac, Pedro nishca Simonta pushamuchun cachai. Paica carata ñutuyachic Simonpac huasipimi. Chai huasica mama cucha patapimi. Pai shamushpami, can imata ruhuana cashcataca huillanga’ nirca.

HECHOS 10:4

Chaita uyashpa, Cornelio manchailla saquirishpami, angelta ricushpaca: —Amito, ¿imatatac ningui?— nirca. Chashna nicpi angelca: —Huacchacunaman cushpa, can Taita Diosman mañashcataca, paica chasquishcami.

FILIPENSES 4:18

Cancuna Epafroditoman mingashpa ñucaman cuchun cachashcataca, tucuitami chasquircani. Cunan chaihuancarin, tucui imapacpish yalli yallitami charini. Cancuna ñucaman cushcacunaca Diosmanca mishquilla ashnacuc shinami ricurin. Chaitami Taita Diosca cushicushpa chasquin.

HEBREOS 6:10

Cashcata ruhuac Taita Diosca cancuna imata ruhuashcatapish, paipaclla caccunatapish cunan ima shina ruhuacuc shinallatac c'uyaihuan servishpa causacuccunataca, manatac cungaringachu.

APOCALIPSIS 5:8

Pillushca p'angata ña japicpica, chai chuscu animalman ricchacunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Taita Diospaclla caccuna Diosman mañashcacunatami nisha nin.