HECHOS 10:3 - Nuevo Testamento en Quichua Cañar 1996

³ Shuc punzha chaupi chishi shinata Taita Diosman mañacucpimi, Dios cachashca angelca muscuipi shina cungailla ricurishpaca: —Cornelio— nirca.

Dios Rimashcata Quillcashcami

³ Shuc punzha, quimsa horas chishita Diosta mañacucpi, Dios cachashca ángel muscuipi shina cungailla ricurishpaca: —Cornelio— nirca.

HECHOS 10:3 ပူးပေါင်းရင်းမြစ်များ

SAN MATEO 27:46

Chai horasllatacmi Jesusca: —Elí, Elí, ¿lama sabactani?— nishpa, sinchita caparirca. Cai nishcaca: “Ñuca Dios, ñuca Dios, ¿ima nishpatac ñucallata saquinguiyari?” nisha ninmi.

SAN LUCAS 1:11

Inciensota rupachina altar alli ladomanca, Mandac Taita Dios cachashca angelmi Zacariasman ñapish shayacuc ricurircalla.

SAN LUCAS 2:13

Chashna huillacucllapitacmi, ñapish jahua pacha achca angelcuna chai huillacuc angelhuan tucushpaca, Taita Diosta alli nishpaca:

HECHOS 10:17

Chaita Pedro ricushpaca: “¿Imatashi cai ricushcaca nisha nin?” nishpa yuyacucpica, Cornelio cachashca runacunaca tapushpa, tapushpa Simonpac huasiman cungailla chayarcacunallami.

HECHOS 10:19

Chai muscuipi shina ricushcata Pedro yuyaricucpiracmi, Diospac Espirituca: “Riqui, cantaca quimsa runacunami mashcacun.

HECHOS 10:30

Shina nicpi Cornelioca: —Sarun, cunan shina chishipimi, cai ñuca huasipi ayunashpa, Diosman mañacucpi, jagan nicuc churanata churashca runa ñapish ricurirca. Chaica ña chuscu punzhami tucun.

HECHOS 10:9

Cayandic punzha chai cachashca runacuna Jope puebloman ñanta shamucucpica, ña chaupi punzha shina cacpimi, Pedroca pai pozana huasi jahuaman huichicushpa, Taita Diosman mañacurca.

HECHOS 11:13

Chai runaca paipac huasipi ángel ricurishpa, cashna nishcatami parlashca carca: ‘Pedro nishca Simonta Jope pueblomanta pushamuchun cachai.

HECHOS 27:23

Ñucaca Taita Diospac cashpami, paita servini. Chashna cashcamantami Taita Diosca cunan tuta paipac angelta cachashpaca:

HECHOS 3:1

Shuc punzha ña chishiyamucucpimi, Diosman mañana horas cashcamanta Pedroca Juanhuan, Taita Diosman mañangapac Diosman mañana huasiman rircacuna.

HECHOS 5:19

Chashna churachicpipish, Dios cachashca ángel tuta shamushpami, cárcel punguta pascashpa, paicunata llucchishpaca:

HECHOS 9:10

Damasco pueblopica Jesusta cric Ananías runami causarca. Paimanmi Apunchic Jesusca muscuipi shina ricurishpaca: —Ananías— nirca. Shina nicpi Ananiasca: —Caipimi cani, Apunchic Jesús— nirca.

HECHOS 9:4

Chashna tucucpi, pambaman Saulo urmacpica: “Saulo, Saulo, ¿ima nishpatac ñucata p'iñashpa llaquichicungui?” nishcami uyarirca.

HEBREOS 1:14

Shina cacpica angelcunaca, ¿imatac canga? Angelcunaca Diospacta ruhuachun churashca espiritucunallami, shinallatac quishpirinata chasquiccunata ayudachun cachashcacunallami.

HEBREOS 1:4

Taita Diospac Churica pai japinata charishcamantami, angelcunata yalli imatapish mandanata chasquishca. Chaimantami angelcunata yalli tucushca.