HECHOS 10:23 - Nuevo Testamento en Quichua Cañar 1996

²³ Shina nicpi, Pedroca pai pozacuc huasillapitacmi paicunata chai tutaca pacarichirca. Ña cayandic punzha Pedro paicunahuan ricucpica, Jope pueblopi causac maijan criccunapish rircacunami.

Dios Rimashcata Quillcashcami

²³ Chaimantami Pedroca pai pozacuc huasipi paicunata chai tutaca pozachirca. Cayandi punzhaca Pedroca paicunahuanmi rirca. Jope pueblo maijan criccunapish paicunahuan rircacunami.

HECHOS 10:23 ပူးပေါင်းရင်းမြစ်များ

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

HECHOS 10:29

Chaimantami can cachashca runacuna ñucapacman chayacpica, imamantapish mana jarcarishpa shamuni. Cancunaca, ¿imapactac c'ayachircanguichic?— nirca.

HECHOS 10:33

Chaimantami ñucaca canta pushamuchun cacharcani. Allitacmi shamushcangui. Cunanca tucuimi Taita Diospac ñaupapi canchic. Pai tucui imallata ñucanchicman huillachun nishcataca huillailla. Ñucanchicca uyashun ninchicmi— nirca.

HECHOS 10:45

Pedrohuan shamuc Jesusta cric israelcunaca,*f** Taita Diosca paipac Espirituta mana israelcunamanpish*f** cushcata ricushpami mancharircacuna.

HECHOS 11:12

Chashna paicuna shamucpica, Diospac Espiritumi ñucataca: ‘Ama caita chaita nirishpa, paicunahuan rilla’ nirca. Caipi cac sucta criccunandicmi, chai cachac runapac huasimanca rircani.

HECHOS 28:15

Romapi causac criccunaca ñucanchic shamucucta yachashpami, ñucanchicta Apio pueblo plazapipish, Quimsa Chuclla pueblopipish tupangapac shamushca carcacuna. Paicunata Pablo ricushpaca, Taita Diosta pagui nishpami munai cushicurca.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.

HECHOS 9:38

Pedro puricuc Lida puebloca, Jope pueblo cuchullapimi carca. Chaimantami criccunaca Lida pueblopi Pedro cacta yachashpa, Jope puebloman utca c'ayamuchun ishcai runacunata cacharcacuna.

HECHOS 9:42

Chashna ruhuashcata Jope pueblopi tucui causaccuna yachashpaca, achcacunami Apunchic Jesusta crircacuna.

2 CORINTIOS 8:21

Shina ruhuashpaca, mana Apunchic Jesuspac ñaupallapi alli ricuringapac, ashtahuanpish gentecunapac ñaupapipish alli ricuringapacmi chashna ruhuacunchic.

HEBREOS 13:2

Maijanpish huasiman chayaccunata cushilla chasquinataca, ama cungaringuichicchu. Chai shina pi cashcata mana yachashpa chasquishpami, maijancunaca angelcunata chasquishcacuna.

1 PEDRO 4:9

Shinallatac mana huashalla rimashpa, caishuc chaishuc huasipi chasquinacuichiclla.