HECHOS 10:2 - Nuevo Testamento en Quichua Cañar 1996

² Chai runaca paipac tucui familiandicmi Diosta manchac, yuyaric, mañarac carca. Shinallatac israelcunapurapi*f** huacchacunaman cullquita cucmi carca.

Dios Rimashcata Quillcashcami

² Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

HECHOS 10:2 ပူးပေါင်းရင်းမြစ်များ

SAN MATEO 25:17

Chai ishcai talento cullquita japic runapish, chai shinallatacmi mirachirca.

SAN LUCAS 18:1

Taita Diosman mana q'uillacushpa mañacunalla cashcamantami, Jesusca yuyaita japichun chimbapurashpa, cashna parlarca:

SAN LUCAS 2:25

Chai punzhacunallapitacmi, Simeón runaca Jerusalenpi causacurca. Paica Diosta manchac, paita cazuc cashpami, israelcunata*f** Taita Dios quishpichingapac shamucta shuyacurca. Simeonca Diospac Espirituhuanmi carca.

HECHOS 10:22

Chashna nicpi paicunaca: —Ñucanchicca pasac soldadocunata mandac Cornelio cachacpimi shamunchic. Paica Diosta cazushcamanta tucui israelcuna alli nishca runami. Paimanmi Dios cachashca ángel ricurishpaca, paipac huasiman canta pushamuchun, shinallatac can ima huillashcatapish uyachun nishca— nircacuna.

HECHOS 10:31

Chashna ricurishpaca: ‘Cornelio, can mañashcataca Taita Diosca uyashcami. Shinallatac can tucui imallacunata mana chariccunaman cushcacunatapish ricushcami.

HECHOS 10:35

Mai llactapipish Diosta manchashpa allita ruhuaccunataca, Taita Diosca alli nicmi cashca.

HECHOS 10:4

Chaita uyashpa, Cornelio manchailla saquirishpami, angelta ricushpaca: —Amito, ¿imatatac ningui?— nirca. Chashna nicpi angelca: —Huacchacunaman cushpa, can Taita Diosman mañashcataca, paica chasquishcami.

HECHOS 10:7

Ña chai ángel ricpi, Cornelioca ishcai servic runacunata, shinallatac soldadocunamantaca paitapish, Diostapish alli cazuc shuc soldadotami c'ayarca.

HECHOS 11:14

Canpish, cambac huasi familiacunandic ima shina quishpirina cashcataca paimi huillanga’ nishca carca.

HECHOS 13:16

Shina nicpi Pabloca jatarishpa, maquihuan “upalla caichic” nishpami, paicunataca: —Tucui caipi cac Israel huauquicunalla, Taita Diosta manchac caishuccunapish, ñuca ima nishcata uyaichic.

HECHOS 13:26

Ñucanchic taita Abrahammanta mirarishca huauquicunalla, shinallatac Taita Diosta manchac caishuccunapish, cai quishpirinamanta huillashcaca cancunamanmi.

HECHOS 13:50

Ashtahuanpish: “Chai runacunata c'atishpa cachashunchic” nishpami, israelcunaca gentecunapac alli nishca, Diosta yuyaric huarmicunatapish, shinallatac chai pueblota mandaccunatapish cunarcacuna. Chaimantaca Pablotapish, Bernabetapish llaquichishpami, chai llactamantaca llucchishpa cacharcacuna.

HECHOS 18:8

Tandanacuna huasipi mandac Crispo runapish, paipac tucui familiandicmi Apunchic Jesustaca crircacuna. Chashnallatac Corinto pueblopi causac caishuc gentecunapish, achcacunami quishpirinamanta alli huillaita uyashpaca, crishpa bautizarircacuna.

HECHOS 2:5

Chai punzhacunapica tucui llactacunamantami, israelcunaca*f** Jerusalén puebloman shamushpa causacurcacuna. Paicunaca Diosta yuyariccuna cashpami, chaipi carcacuna.

HECHOS 22:12

Chai pueblopica, Moisés mandashcacunata alli cazuc, tucui chaipi causac israelcunapacpish*f** alli nishca Ananías runami causacushca carca.

HECHOS 8:2

Dios yuyailla causac runacunami munai huacashpa, Estebantaca enterrarcacuna.

HECHOS 9:11

Shina nicpi, Apunchic Jesusca paitaca: —Jatari. Derecha shuti ñanman ri. Judaspac huasipi yaicushpa, Tarso pueblomanta Saulo runata tapui. Paica chai huasipimi Taita Diosman mañashpa shuyacun.

HECHOS 9:31

Chaimantami Judea llactapi, Galilea llactapi, Samaria llactapi causac tucui criccunaca alli sumacta causarcacuna. Paicunaca Mandac Diosta manchashpa, ashtahuan sinchi criccunami tucurcacuna. Shinallatac Diospac Espíritu pushacushcamanta, ashtahuanmi achca criccuna tucurca.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.

COLOSENSES 4:2

Cancuna Taita Diosta pagui nishpami, riccharishca shina punzhanta mañacunalla canguichic.

1 TESALONICENSES 5:17

Taita Diosman mañanataca ama saquichicchu.

SANTIAGO 1:5

Cancunapuramanta maijanpish yachaita mana charishpaca, Diosman mañaichic, paica cungallami. Diosca pimanpish mana misarishpami, tucui mañaccunamanca achcata cunga.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Shina cashcamantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca— nicurcacuna.