HECHOS 10:19 - Nuevo Testamento en Quichua Cañar 1996

¹⁹ Chai muscuipi shina ricushcata Pedro yuyaricucpiracmi, Diospac Espirituca: “Riqui, cantaca quimsa runacunami mashcacun.

Dios Rimashcata Quillcashcami

¹⁹ Muscuipi shina ricushcata Pedro yuyaricucpimi, Diospac Espirituca: «Quimsa runacunami canta mashcacun.

HECHOS 10:19 ပူးပေါင်းရင်းမြစ်များ

SAN JUAN 16:13

Cashcata nic Diospac Espíritu shamushpami, cancunamanca imapish cashcata yachachinga. Paica mana paipac munaillamantachu rimanga, ashtahuanpish ima uyashcallatami huillanga. Shinallatac tucui imalla tucugricushcatapish yachachingami.

HECHOS 10:18

Paicuna chai punguman chayashpaca: “Pedro nishca Simonca, ¿caipichu canga?” nishpami tapurcacuna.

HECHOS 10:3

Shuc punzha chaupi chishi shinata Taita Diosman mañacucpimi, Dios cachashca angelca muscuipi shina cungailla ricurishpaca: —Cornelio— nirca.

HECHOS 11:12

Chashna paicuna shamucpica, Diospac Espiritumi ñucataca: ‘Ama caita chaita nirishpa, paicunahuan rilla’ nirca. Caipi cac sucta criccunandicmi, chai cachac runapac huasimanca rircani.

HECHOS 13:2

Shuc punzha paicuna ayunashpa, Taita Diosman mañashpa tiyacucpimi, Diospac Espirituca: “Bernabetapish, Saulotapish ñuca ruhuai nishcata ruhuachun cachaichic. Paicunataca ñami acllarcani” nirca.

HECHOS 15:7

Chashna tandanacushpa, ña unaita rimanacushca q'uipami, Pedroca shayarishpa paicunataca: —Caipi tandanacushca tucui huauquicuna. Alli huillaita ñuca huillacpi, mana israelcunapish crishpa quishpirichunmi, Taita Diosca ña utcaman ñucata acllarca. Chaitaca cancunallatac yachanguichicmi.

HECHOS 21:4

Chaipi causac criccunata tarishpaca, canchis punzhacunatami paicunahuan carcanchic. Chai criccunaman Diospac Espíritu yuyaita cucpimi Pablotaca: “Jerusalenman ama richu” nircacuna.

HECHOS 8:29

Felipetaca Diospac Espíritu rimashpami: —Chai carretaman cuchuyai— nirca.

1 CORINTIOS 12:11

Ashtahuanpish tucui caicunataca imatapish ruhuac Diospac shuclla Espiritullatacmi, maijanman cusha nishca shina imata ruhuaccuna cachun cun.

1 TIMOTEO 4:1

Chashna cacpipish q'uipa punzhacunapi ima tucuna cashcataca, allimi Diospac Espirituca huillacun. Chai punzhacunapica maijancunaca llullac espiritucuna ima nishcata cazushpa, supaicuna yachachishcatapish c'atishcamantami, crishcatapish saquishpa ña mana c'atishun ningacuna.