HECHOS 10:1 - Nuevo Testamento en Quichua Cañar 1996

¹ Cesarea pueblopica, Cornelio runami causarca. Paica Italia llactamanta pasac soldadocunata mandacmi carca.

Dios Rimashcata Quillcashcami

¹ Cesarea pueblopica, Cornelio shuti runami causarca. Paica Italia llactamanta patsac soldadocunata mandacmi carca.

HECHOS 10:1 ပူးပေါင်းရင်းမြစ်များ

SAN MATEO 27:27

Shina cucpimi, soldadocunaca Pilato mandashpa tiyana jatun ucuman Jesusta aparcacuna. Chaimanmi caishuc soldadocunataca, Jesuspac muyundicpi shayarichun c'ayarcacuna.

SAN MATEO 27:54

Pasac soldadocunata mandacpish, paihuan cuidaccunapish allpa chucchucpi, shinallatac shuctac ima tucushcacunata ricushpapish, munai manchaihuan cashpami: —Cai runaca Diospac Churitacmi cashca— nircacuna.

MARCOS 15:16

Chaimantaca Pilato mandashpa tiyana jatun huasi pungu pambamanmi soldadocunaca Jesusta chayachishpa, tucui soldadocunatapish chaiman tandachircacuna.

SAN LUCAS 7:2

Chaipica, Roma*f** llactamanta pasac soldadocunata mandacpac c'uyashca, shuc servicmi ungushca ña huañugricurca.

SAN JUAN 18:12

Jesustaca soldadocunapish, soldadocunata mandacpish, shinallatac Diosman mañana huasita cuidaccunapish japishpami huatarcacuna.

SAN JUAN 18:3

Shina cashcamantami Judasca achca soldadocunahuan, curacunata mandac curacunahuan, shinallatac fariseocuna*f** cachashca Diosman mañana huasita cuidaccunahuanpish chaiman chayarcacuna. Chai riccunaca macanacungapac macanacunahuan, michacunahuan, shinallatac linternacunahuanpish chayarcacuna.

HECHOS 10:24

Minchandic punzha ña Cesarea puebloman chayacpica, Cornelioca paipac tauca familiacunandic, paipac alli ricsishcacunandicmi tandarishpa, shuyacushca carcacuna.

HECHOS 21:31

Pablota ña huañuchigricucpimi, Roma*f** llactamanta huaranga soldadocunata mandacpacman maijancuna rishpaca: “¡Tucui Jerusalén pueblopi causaccunamari huaica p'iñarishpa caparicuncuna!” nishpa huillarcacuna.

HECHOS 21:8

Cayandic punzha ñucanchic chaimanta rishpaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasiman rishpami, chaipi saquirircanchic. Paica criccunata ayudac cachun, canchiscunata acllashcapuramantami carca.

HECHOS 22:25

Chaipi paita huatashpa macagricucpimi, pasac soldadocunata mandactaca Pabloca: —Uyai. Ñucaca Roma*f** llactamanta cashca shinallatacmi cani. Mandashcapi nishca shinaca, manarac imata tapushpaca, ¿ñucata macanallachu canga?— nirca.

HECHOS 23:23

Huaranga soldadocunata mandacca pasac soldadocunata mandaccunatami ishcaita c'ayashpa, cashna nishpa mandarca: “Cunan unai tutataca Cesarea puebloman richun, chaquillahuan ric soldadocunataca, ishcai pasac soldadocunata tandachinguichic. Caballopi ric soldadocunataca, canchis chunga soldadocunata tandachinguichic. Shinallatac lanzahuan ric soldadocunataca, ishcai pasac soldadocunata tandachinguichic.

HECHOS 23:33

Pablohuan ric soldadocuna Cesarea puebloman chayashpaca, quillcatarac mandac Felixman cushpami, Pablotapish paipac ñaupaman chayachircacuna.

HECHOS 25:1

Festo runaca llactata mandangapac yaicushca quimsa punzha q'uipami, Cesarea pueblomanta Jerusalenman rirca.

HECHOS 25:13

Asha punzhacuna q'uipami, jatun mandac Agripaca paipac pani Berenicehuan Cesarea pueblopi mandac Festota “allillachu cangui” ningapac shamurcacuna.

HECHOS 27:1

Mandac Festo ñucanchicta ña Italia llactaman cachagricushpaca, Pablotapish, shinallatac shuc prezucunatapish pasac soldadocunata mandac Juliomanmi cushpa cacharca. Chai Julioca Roma*f** llactata jatun mandac Augustopac soldadocunapurami carca.

HECHOS 27:31

Chaimantami Pabloca pasac soldadocunata mandactapish, caishuc soldadocunatapish: —Cai barcota purichiccuna shitashpa ricpica, cancunaca huañunguichicmi— nirca.

HECHOS 27:43

Chashna nicpica, pasac soldadocunata mandacca Pablota mana huañuchisha nishpami: —Huambunata yachaccunarac, huambushpa llucshichic.

HECHOS 8:40

Ashtahuanpish Felipeca Azoto pueblopimi taririrca. Chai Azoto pueblomanta callarishpami, Cesarea puebloman chayangacaman, tucui pueblocunapi alli huillaita huillashpa rirca.