HECHOS 1:14 - Nuevo Testamento en Quichua Cañar 1996

¹⁴ Tucui paicunami Jesuspac huauquicunahuanpish, paipac mama Mariahuanpish, shinallatac caishuc huarmicunahuanpish Taita Diosman mañangapac tandanacuclla carcacuna.

Dios Rimashcata Quillcashcami

¹⁴ Tucui paicunami shuc yuyailla Diosta mañacurca. Jesuspac huauquicunapish, paipac mama Mariapish, caishuc huarmicunapishmi chaipi carca.

HECHOS 1:14 ပူးပေါင်းရင်းမြစ်များ

SAN MATEO 12:46

Gentecunaman Jesús huillacucpimi, paipac mamapish huauquicunapish shamushpa, paihuan parlasha nishpa, canzhapi shayacurcacuna.

SAN MATEO 21:22

Taita Dios ima mañashcatapish cuc cashcata crishpa mañashpaca, japinguichicmi— nirca.

SAN MATEO 27:55

Chaipica tauca huarmicunami carullamanta ricucurcacuna. Chai huarmicunaca Galilea llactamanta pachami Jesusta ayudashpa shamushca carcacuna.

MARCOS 15:40

Chashnallatac Jesús chacatashcataca, tauca huarmicunami carullamanta ricushpa shayacurcacuna. Chai huarmicunapurapica, Magdala pueblomanta Mariapish, q'uipa Jacobopac, Josepac mama Mariapish, shinallatac Salomepish chaipimi carca.

MARCOS 16:1

Samana punzha*f** tutayamucucpimi, Magdala pueblomanta Mariapish, Jacobopac mama Mariapish, shinallatac Salomé huarmipish mishquilla ashnacucta Jesuspac cuerpopi churangapac randircacuna.

SAN LUCAS 11:13

Cancuna mana allicuna cashpapish, huahuacunamanca imatapish allitami cunguichic. Jahua pachapi cac Taita Dioscarin, maijanpish paipac Espirituta mañaccunamanca cungallami— nirca.

SAN LUCAS 18:1

Taita Diosman mana q'uillacushpa mañacunalla cashcamantami, Jesusca yuyaita japichun chimbapurashpa, cashna parlarca:

SAN LUCAS 23:49

Jesuspac tucui ricsishcacunapish, Galilea llactamanta Jesushuan shamuc huarmicunapish carullapi shayashpami, chai tucuitaca ricucurcacuna.

SAN LUCAS 23:55

Galilea llactamanta Jesushuan shamushca huarmicunapish Joseta c'atishpa rishpami, Jesuspac cuerpota ima shina sepulturapi churacta ricucurcacuna.

SAN LUCAS 24:10

Jesús acllashca huillaccunaman huillagriccunaca, Magdala pueblomanta Mariapish, Juanapish, Jacobopac mama Mariapish, shinallatac shuc huarmicunapish carcacunami.

SAN LUCAS 24:33

Chashna ninacushpaca mana imata unaiyashpami, jatarishcahuan Jerusalenman cutimurcacuna. Paicuna chayamushpaca, Jesuspac chunga shuc yachacuccuna caishuc c'aticcunahuan tandanacushcahuanmi tuparcacuna.

SAN LUCAS 24:53

Chashna cutimushpaca, paicunaca Diosman mañana huasipimi punzhanta Taita Diosta “allimari cangui” nicurcacunalla.

SAN LUCAS 8:20

Chaimantami Jesusmanca: —Cambac mama, cambac huauquicunami canhuan tupangapac canzhapi shuyacuncuna— nishpa huillarcacuna.

HECHOS 2:1

Pentecostés*f** punzha chayamucpica, Jesusta criccunaca tucuillami shuc shinalla tandanacushca carcacuna.

HECHOS 2:42

Paicunaca Jesús acllashca huillaccuna yachachicushcataca allimi cazuccuna carca. Caishuc chaishuchuanpish, allimi apanacuccuna carca. Shinallatac Jesús huañushcata yuyarishpa tandata chaupishpa micungapacpish, Taita Diosman mañangapacpish tandanacuccunami carca.

HECHOS 2:46

Punzhantami Diosman mañana huasipi tandanacuccuna carca. Shinallatac paicunapac huasicunapipish tandanacushpa, Jesús huañushcata yuyarishpa, c'uyai shunguhuan cushicushpami micuccuna carca.

HECHOS 6:4

Paicuna chaita ruhuacucpica, ñucanchicca Taita Diosman mañanatapish, paimanta huillanatapish mana saquishunchu— nircacuna.

ROMANOS 12:12

Crishcamanta japina cashcata shuyacushcamantaca, cushicushpa causaichic. Ima llaqui japicpipish, chai llaquita apaichiclla. Taita Diosman mañanataca ama saquichicchu.

1 CORINTIOS 14:13

Shina cashcamanta jaicapi mana uyashca rimaita rimacca, chai rimai imata nisha nicushcata entendingapacmi, Taita Diosman mañana can.

EFESIOS 6:18

Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

COLOSENSES 4:2

Cancuna Taita Diosta pagui nishpami, riccharishca shina punzhanta mañacunalla canguichic.