HEBREOS 9:7 - Nuevo Testamento en Quichua Cañar 1996

⁷ Ashtahuanpish chai yaicushcalla ucumanta, q'uipa ucumanca curacunata jatun mandac curallami huatapi shuc cutinlla yaicuc carca. Chaiman yaicushpaca, pai quiquinpac juchamantapish, imatapish mana yachashpa gentecuna juchallishcamantapish, Diosman cungapac animalcunata huañuchishca yahuartami apashpa yaicuc carca.

Dios Rimashcata Quillcashcami

⁷ Ashtahuanpish chai quipa ucumanca jatun mandac curallami huatapi shuc cutin yaicuc carca. Paicunaca quiquin juchamantapish, gentecuna mana yachashcamanta juchata ruhuashcamantapish animalta huañuchishca yahuarta Diosman cungapacmi yaicuc carca.

HEBREOS 9:7 ပူးပေါင်းရင်းမြစ်များ

EFESIOS 4:18

Paicunaca amsa yuyaillata charishpami, mana alli yuyaita japincuna. Paicunaca Diosmanta shamuc mushuc causaitaca, yuyai illac rumi shungu cashcamantami mana chasquincuna.

HEBREOS 10:3

Ashtahuanpish caicunata Diosman cushpa rupachinacunaca, huatanta juchayuc cashcata yuyachingapacmi can.

HEBREOS 6:19

Cai shuyacushca yuyaica, barcota charic llashac fierro anclas shinami, ñucanchic almataca alli sinchita chariracun. Shinallatac cai shuyacushcami, jahua pacha Diosman mañana huasipi tiyac, lienso pañu jarcashca Diospaclla ucuman ñucanchictaca yaicuchin.

HEBREOS 7:27

Jesusca mana caishuc curacuna shina puntaca paipac juchacunamanta, chai q'uipaca tucui gentecunapac juchacunamanta animalcunata Taita Diosman cushpa, rupachic cura shinachu, ashtahuanpish Apunchic Jesucristoca huiñaipac shuc cutinlla huañushpami, paillatac Taita Diosman curishpa huañurca.

HEBREOS 9:3

Chaipac q'uipa jarcachishca ucuca, Diospaclla ch'icanyachishca ucumi carca.