HEBREOS 9:24 - Nuevo Testamento en Quichua Cañar 1996

²⁴ Apunchic Jesusca jahua pachapi ima shina cacllata ricuchic, gentecunalla ruhuashca carpa huasimanca mana yaicurcachu, ashtahuanpish ñucanchicmanta Taita Diosman mañangapacmi, jahua pacha Diospac ñaupamantatac yaicurca.

Dios Rimashcata Quillcashcami

²⁴ Chaica Apunchic Jesusca mana gentecunalla ruhuashca carpa huasimanchu yaicurca. Ashtahuanpish jahua pacha Diospac ñaupamanmi yaicurca.

HEBREOS 9:24 ပူးပေါင်းရင်းမြစ်များ

SAN MATEO 18:10

Pacta cai uchilla huahua shinacunata ‘imapac mana valinchu’ nishpa p'iñanguichicman. Ñucaca cashnami nini: Paicunata ricuracuc angelcunaca tucui causaipimi, jahua pacha ñuca Taitapac ñaupapi causacuncuna.

MARCOS 14:58

—‘Diosman mañangapac runacuna ruhuashcalla cai huasitaca urmachishpa, quimsa punzhapica shuctac mana runacuna ruhuashca huasita shayachishallami’ nictami uyarcanchic— nishpami llullarcacuna.

MARCOS 16:19

Apunchic Jesús paipac yachacuccunata chashna mandashca q'uipaca, Taita Dios paita pushacpimi, jahua pachaman rirca. Chaipimi paipac alli lado maquiman tiyarirca.

SAN LUCAS 24:51

Chashna mañacushpaca paicunamanta anchurishpa, Taita Dios apacpi jahua pachaman rircallami.

SAN JUAN 16:28

Cai pachaman shamungapacmi ñuca Taitapacmanta llucshircani. Cunanca cai pachata saquishpami, ñuca Taitapacman cutigrini— nirca.

SAN JUAN 6:62

Shina cashpaca, Runa Tucungapac shamushca*f** ñuca puntaman maipi cashcallamantac ricta ricushpaca, ¿imashi tucunguichicman?

HECHOS 3:21

‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

ROMANOS 8:33

Taita Dios acllashcacunataca, ¿pitac juchanchingayari? Taita Diosmi paihuan alli tucuchun paicunataca chasquin.

2 CORINTIOS 5:1

Ñucanchicca chingariclla cai pachapi tiyac carpa huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasi shina cuerpota charishcatami yachanchic. Chai huasica jahua pachapimi, Taita Dios allichishca tiyacun.

COLOSENSES 3:2

Ama cai pachapi ima tiyashcacunallapi shunguta churaichicchu, ashtahuanpish jahua pachapi imalla tiyashcapi yuyashpa causaichic.

HEBREOS 1:3

Diospac Churica Dios ima shina sumaimana achiclla cashcatami ricuchicun. Diosca Pai shinallatacmi can. Diospac Churica tucui ima tiyashcatapish, paipac imatapish ruhuaclla cashca rimashcahuanmi mandacun. Paica ñucanchic juchata p'ichashca q'uipami, jahua pacha Taita Dios maipi mandacucpi alli maquiman tiyarigrirca.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

HEBREOS 4:14

Taita Diospac Churi Jesusca curacunata jatun mandac cura cashpami, ñucanchicmanta Diospacta ruhuangapac jahua pachaman yaicurca. Chaimantami ñucanchicca crishpa, c'atirana canchic.

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinallatacmi, huiñaipac curacunata jatun mandac cura tucurca.

HEBREOS 8:2

Paica cura shinami, Diospaclla cac huasipi curacuna ruhuana cashcata ruhuacun. Chai huasica mana gentecuna ruhuashca shinallachu, ashtahuanpish Mandac Diosllatac ruhuashcami can.

HEBREOS 8:5

Diosman mañana carpa huasita Moisés ruhuagricucpimi, Taita Dios rimashpaca: “Riqui, urcupi ima shina ruhuana cashcata canman ricuchishca shina, chai huasita ruhuangui” nirca. Shina cashcamantami cai pachapi cac curacuna imallata Diosman ruhuashpaca, jahua pachapi imalla tiyashcata ricuchic llandu shinalla ruhuacuncuna.

HEBREOS 9:1

Punta ari ninacushcaca, cai pachapi Diosman mañana carpa huasipi ima shina Diosman ruhuana cashcallatacmi huillacurca.

HEBREOS 9:23

Taita Diosman cushpa, tucui cai ruhuanaca jahua pachapi cacman ricchacunata chuyayachingapacllami. Ashtahuanpish jahua pachapi tiyaccunamantacarin, animalcunata huañuchishca yahuartapish yallimi cuna can.

HEBREOS 9:9

Tucui caicunaca cunan punzhacunapi yuyaita japingapacllami. Juchacunamanta Diosman animalcunata cushpa huañuchishcapish, imata paiman cushcapish Diosta alli niccunataca mana juchanchipac, alli yuyaiyuctaca mana ruhuanchu.

1 PEDRO 3:22

Jesucristomi jahua pachaman rishpa, Taita Diospac alli maquiman tiyacun. Paimi angelcunatapish, poderta charic mandac espiritucunatapish mandacun.

APOCALIPSIS 8:3

Chai q'uipaca shuc angelmi curimanta ruhuashca inciensota churanahuan shamurca. Chashna shamushpaca, altar chaquipimi shayarirca. Chaica achca inciensota chasquishpami, mandashpa tiyarinapac ñaupapi cac curimanta ruhuashca altarpi Diosman curca. Chashna ruhuashpaca, Taita Diospaclla caccuna Diosman mañashcandic tandachishca ricurichunmi, chashnaca curca.