HEBREOS 9:23 - Nuevo Testamento en Quichua Cañar 1996

²³ Taita Diosman cushpa, tucui cai ruhuanaca jahua pachapi cacman ricchacunata chuyayachingapacllami. Ashtahuanpish jahua pachapi tiyaccunamantacarin, animalcunata huañuchishca yahuartapish yallimi cuna can.

Dios Rimashcata Quillcashcami

²³ Tucui chaipi tiyaccunaca jahua pachapi ima tiyacucman ricchami. Chaimantami chuyayachin can. Ashtahuanpish jahua pachapi tiyaccunamantacarin, animalta yahuartapish yallimi cuna can.

HEBREOS 9:23 ပူးပေါင်းရင်းမြစ်များ

SAN LUCAS 24:26

Quishpichic Cristoca Taita Dios alli nishpa jatunyachishca cangapacca, ¿manachu llaquitarac apana carca?— nirca.

SAN LUCAS 24:46

Yachachicushpaca: —Dios quillcachishcapi nishca shinaca, Quishpichic Cristoca huañunami carca. Huañushpapish, quimsa punzhapica huañushcacunapuramanta causarinami carca.

SAN JUAN 14:3

Ñuca rishpa cancuna causanata allichishca q'uipaca, ñuca maipimi causani, chaipi cancuna ñucahuan causagrichunmi cutin pushangapac cutimusha.

HECHOS 23:15

Cunan cancunaca cashna ruhuaichic: Cancunapish, tandanacuc caishuc mandaccunapish huaranga soldadocunata mandacmanca, Pablota ashtahuan alli tapungapac nic shinalla caiman cachachun nigrichic. Ñucanchicca pai manarac chayamucpimi, huañuchingapac ñanpi chapashun— nircacuna.

COLOSENSES 2:17

Tucui caicunaca ima tucuna cashcata ricuchic llandu shinallami carca. Ashtahuanpish cashcata ricuchingapacca, Cristoca ñami shamurca.

HEBREOS 10:1

Moisés mandashcacunaca q'uipata shamuc allicunata ricuchic llandu shinallami, ashtahuanpish mana chai shamuna cashcacuna shinachu. Shina cashcamanta Moisés mandashcacunata pactachishpa, huatanta chaillatatac chaillatatac ruhuashpa animalcunata rupachishpa, Taita Diosman cuchuyaccunataca allitacca jaicapi mana ruhuanchu.

HEBREOS 10:4

Huagracunapac yahuarpish, chivocunapac yahuarpish juchacunataca mana anchuchi pudinchu.

HEBREOS 8:5

Diosman mañana carpa huasita Moisés ruhuagricucpimi, Taita Dios rimashpaca: “Riqui, urcupi ima shina ruhuana cashcata canman ricuchishca shina, chai huasita ruhuangui” nirca. Shina cashcamantami cai pachapi cac curacuna imallata Diosman ruhuashpaca, jahua pachapi imalla tiyashcata ricuchic llandu shinalla ruhuacuncuna.

HEBREOS 9:14

Shina cacpica, ¡Apunchic Jesuspac yahuarcarin, tucuimanta yalli valishcami! Paica huiñai huiñaita causacuc Diospac Espirituhuan cashpami, ima millaita mana ruhuac cashpapish, pai quiquinllatac Diosman curishpa huañurca. Paipac yahuarmi ñucanchic yuyaicunahuan mana allita ruhuashpa, huañuiman ricucpi p'ichashpa, causacuc Diosta servicta ruhuan.

HEBREOS 9:24

Apunchic Jesusca jahua pachapi ima shina cacllata ricuchic, gentecunalla ruhuashca carpa huasimanca mana yaicurcachu, ashtahuanpish ñucanchicmanta Taita Diosman mañangapacmi, jahua pacha Diospac ñaupamantatac yaicurca.

APOCALIPSIS 5:9

Shinallatac shuc mushuc cantota cantashpaca: —Canllami unanchishcacunata p'itishpa, pillushca p'angata pascaipacmi cangui. Canca huañushpami, Taita Diospac cachun tucui aillucunamantapish, tucui laya rimaita rimaccunamantapish, tucui llactacunamantapish, tucui laya gentecunamantapish cambac yahuarhuan randishpa tandachishcangui.