HEBREOS 7:6 - Nuevo Testamento en Quichua Cañar 1996

⁶ Ashtahuanpish Melquisedecca mana Levipac huahua huahuapura cashpapish, Dios cushami nishcacunata chasquic Abrahammanta chungamanta shuctami chasquirca. Chashnami, Melquisedecca Abrahamman Taita Dios allicunata cuchun nishpa mañarca.

Dios Rimashcata Quillcashcami

⁶ Ashtahuanpish Melquisedecca mana Levipac huahua huahuapura cashpapish, Dios cushami nishcata chasquic Abrahammanta chungamanta shucta chasquircami. Chashnami, Melquisedecca Abrahamman Dios bendiciachun nirca.

HEBREOS 7:6 ပူးပေါင်းရင်းမြစ်များ

HECHOS 3:25

Taita Diosca ñaupa huillaccunamanpish, ñucanchic ñaupa taitacunamanpish, shinallatac cunan punzha ñucanchic israelcunamanpish ‘ñuca cusha nishcataca pactachishatacmi’ nishca carca. Chashnallatacmi Abrahammanca Taita Diosca: ‘Cambac huahua huahuacunamantami, tucui cai pachapi causaccunamanca allicunata cusha’ nishcami. Cancunapish chaita chasquiccunami canguichic.

ROMANOS 4:13

Taita Diosca Abrahammanpish, paipac huahua huahuapuramanpish cai pachataca cusha nircami. Abrahammanca mana Moisés mandashcacunata pactachishcallamantachu cusha nirca, ashtahuanpish crishcamanta Taita Dios paihuan alli tucuchun chasquishpami cusha nirca.

ROMANOS 9:4

Paicunaca taita Israelpac*f** huahua huahuami cancuna. Shina cashcamantami Diosca paipac huahuacuna cachun acllarca. Taita Diosca paipac sumaimana cashcatapish paicunamanca ricuchircami. Paicunaca Moisés mandashcacunatapish, Dios c'uyashpa paicunaman ari nishcacunatapish, Dios cusha nishcacunatapish charinmi. Shinallatac ima shina Diosman mañanatapish yachancunami.

GÁLATAS 3:16

Chashna cacpica Taita Diosca pai cusha nishcataca taita Abrahammanpish, paipac huahuacunamanpish cusha nishca. Dios quillcachishcapica mana mirarishca achca huahuacunamanchu Diosca cusha nishca, ashtahuanpish Abrahamtaca: “Cambac huahua huahuacunapuramanta shucllamanmi cusha” nishcami. Chaica Cristomi can.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Shina cashpapish paicuna crishcamantami, carullamanta alabaduc shina ricurcacuna. Chashnami shuctac llactamanta caccuna shina cashcatapish, shinallatac cai pachapi puriccunalla shina cashcatapish paicunallatac huillarcacuna.

HEBREOS 11:17

Abrahampish crishcamantami, Taita Dios ima shina cric cashcata ricusha nicpi, paipac shuclla churi Isaacta Diosman cushpa, huañuchingapac aparca. Taita Dios “Isaacmantami huahua huahuacunata charingui” nishca jahuapish, Abrahamca paipac churitaca Diosman cunatami munarca.

HEBREOS 7:1

Melquisedecca Jatun Diospac curapish, Salem llactata mandacpish carcami. Taita Abraham jatun mandaccunahuan macanacushpa, mishashpa shamucpi Melquisedec tupangapac llucshishpaca, Taita Dios allicunata cuchun nircami.

HEBREOS 7:7

Maijanpish allicunata chasquicca, allicunata cuchun mañacmantaca mana yallichu. Chaitaca pipish mana chashnachu nishpaca, mana ningachu.