HEBREOS 7:17 - Nuevo Testamento en Quichua Cañar 1996

¹⁷ Shina cashcamantami Dios quillcachishcapica: “Canca Melquisedec shinallatacmi, huiñai huiñaipac cura cangui” nin.

Dios Rimashcata Quillcashcami

¹⁷ Dios quillcachishcapica paimantaca: “Canca Melquisedec shinami, huiñai huiñaipac cura cangui” nin.

HEBREOS 7:17 ပူးပေါင်းရင်းမြစ်များ

HEBREOS 5:10

Melquisedecta shinami, Taita Diosca curacunata jatun mandac cura cachun paitaca churashca.

HEBREOS 5:6

Shinallatac Dios quillcachishcapi maipitapishcharica: “Canca Melquisedec shinallatacmi, huiñai huiñaipac cura cangui” ninmi.

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinallatacmi, huiñaipac curacunata jatun mandac cura tucurca.

HEBREOS 7:11

Israelcunaca Levimanta cac curacunamantami Moisés mandashcacunataca chasquirca. Paicunaca Aaronpac huahua huahuacunapurami carca. Cai curacuna gentecunata allita allichina cashca cacpica, cutin shuc curaca mana ricurinachu carca. Chaica mana Aarón layachu cana carca, ashtahuanpish Melquisedec cura layami cana carca.

HEBREOS 7:15

Cai ñucanchic nicushcaca, Melquisedec shina shuc mushuc cura ricuricpica, chashnatac cashcatami ashtahuan ricuchin.

HEBREOS 7:21

ashtahuanpish Apunchic Jesusllatami Taita Diosca chashna nishca. Chaimantami Taita Dios Pai quillcachishcapica: “Ñuca shimihuan pactachishatacmi nishcataca mana shuctacyachisha. ‘Canca huiñai huiñaipacmi cura cangui’ nini” nishca.