HEBREOS 7:16 - Nuevo Testamento en Quichua Cañar 1996

¹⁶ Mandashcapi nishca shinaca, “cai aillumanta, chai aillumanta shamunga” nishca curaca mana carcachu, ashtahuanpish imatapish ruhuaclla mana tucuric causaimantami carca.

Dios Rimashcata Quillcashcami

¹⁶ Mana runacuna mandacushca shina, mana maijan aillumanta, nishca shinachu carca, ashtahuanpish mana tucuric, causaita charicmi carca.

HEBREOS 7:16 ပူးပေါင်းရင်းမြစ်များ

ROMANOS 7:14

Mandashcacunaca Diosmanta cashcatami yachanchic. Shina cashpapish, ñuca cai pachapi causacushcamantaca, juchata ruhuangapacca huatashca shinami cani.

GÁLATAS 4:3

Chai shinami ñaupamanca ñucanchicpish huahuacuna shina cashpaca, cai pachapi imapish manchanacunallata cazushpa, huatashca shina causacurcanchic.

GÁLATAS 4:9

Cunanca Taita Diosta ricsiccunami canguichic, ashtahuancarin Taita Diosmi cancunata ricsin. ¿Shina cashca jahuachu cutinllatac imapish mana valic, yangalla manchanacunallata cazushpa, huatashca shina causashun ninguichic?

COLOSENSES 2:14

Juchata ruhuashcamanta ñucanchic quishpiringapac maita mana pagaipac cacpimi, Jesucristo cruzpi huañushcamanta Taita Diosca chai debitaca anchuchirca. Chai debitaca paganatacmi carcanchic.

COLOSENSES 2:20

Cancuna Jesucristohuan huañushca shina cashcamantaca, cai pachapi tiyashca imapish manchanacunaca cancunata ña mana mandacunchu. Shina cashpaca, ¿ima nishpatac cai pacha mandashca shina causacunguichic?

HEBREOS 10:1

Moisés mandashcacunaca q'uipata shamuc allicunata ricuchic llandu shinallami, ashtahuanpish mana chai shamuna cashcacuna shinachu. Shina cashcamanta Moisés mandashcacunata pactachishpa, huatanta chaillatatac chaillatatac ruhuashpa animalcunata rupachishpa, Taita Diosman cuchuyaccunataca allitacca jaicapi mana ruhuanchu.

HEBREOS 7:15

Cai ñucanchic nicushcaca, Melquisedec shina shuc mushuc cura ricuricpica, chashnatac cashcatami ashtahuan ricuchin.

HEBREOS 7:17

Shina cashcamantami Dios quillcachishcapica: “Canca Melquisedec shinallatacmi, huiñai huiñaipac cura cangui” nin.

HEBREOS 7:21

ashtahuanpish Apunchic Jesusllatami Taita Diosca chashna nishca. Chaimantami Taita Dios Pai quillcachishcapica: “Ñuca shimihuan pactachishatacmi nishcataca mana shuctacyachisha. ‘Canca huiñai huiñaipacmi cura cangui’ nini” nishca.

HEBREOS 7:28

Moisés mandashcaca juchayuc runacunatami curacunata jatun mandac cura cachun nin, ashtahuanpish Taita Dios paipac shimihuantac ari nishpaca, Moisés mandashcacunamanta q'uipa cashpapish, huiñaita pactachic paipac Churitami curacunata jatun mandac cura cachun nin.

HEBREOS 7:3

Melquisedecpac taita mamamantapish, paipac aillucunamantapish mana ima yacharinchu. Shinallatac pai huacharishcamantapish, huañushcamantapish pi mana parlanchu. Chashna cashcamanta Taita Diospac Churi shinallatacmi, paica huiñai causaicaman Diospacta ruhuac cura can.

HEBREOS 9:14

Shina cacpica, ¡Apunchic Jesuspac yahuarcarin, tucuimanta yalli valishcami! Paica huiñai huiñaita causacuc Diospac Espirituhuan cashpami, ima millaita mana ruhuac cashpapish, pai quiquinllatac Diosman curishpa huañurca. Paipac yahuarmi ñucanchic yuyaicunahuan mana allita ruhuashpa, huañuiman ricucpi p'ichashpa, causacuc Diosta servicta ruhuan.

APOCALIPSIS 1:18

Ñucaca huañushpapish causacunimi. Cunanca huiñaipacmi causacuni. Ñucami huañuipacpish, ucu pachapacpish llavecunata charicuni.