HEBREOS 6:2 - Nuevo Testamento en Quichua Cañar 1996

² Bautizarinamantapish, criccunapac uma jahuapi maquita churanamantapish, huañushcacuna causarinamantapish, huiñaita jatun llaquiman cachanamantapish ama cutinllatac yachacushunchic.

Dios Rimashcata Quillcashcami

² bautizarinamanta, criccunapac uma jahuapi maquita churanamanta, huañushcacuna causarinamanta, huiñaita jatun llaquiman cachanamanta ama cutinllatac cutinllatac yachacushunchic.

HEBREOS 6:2 ပူးပေါင်းရင်းမြစ်များ

SAN MATEO 28:19

Chaimanta tucui cai pachapi causaccunapacman rishpa, ñuca yachacuccuna tucuchun yachachigrichic. Paicunataca Taita Diospac, paipac Churipac, Diospac Espiritupac shutipi bautizanguichic.

SAN MATEO 3:14

Juanca Jesusta mana bautizangaraicumi: —¿Imapactac shamungui? Ashtahuanpish canmi ñucata bautizana cangui— nirca.

MARCOS 16:16

Maijanpish cai alli huillaita crishpa bautizarictaca, quishpichishcami canga. Ashtahuanpish cai alli huillaita mana crictaca, huiñaitami llaquiman cachashca canga.

MARCOS 7:4

Chashnallatac micunata randishpa cutimushpapish, maquita mana jahuashpaca, mana micuccunachu carca. Shinallatac shuctac yachachishcacunatapish pactachiccunami carca. Shina cashpami vasocunatapish, jarrocunatapish, platocunatapish jahuaccuna, shinallatac camacunatapish tacshaccuna carca).

MARCOS 7:8

Chashna ruhuashpami, cancunaca Taita Dios mandashcacunata saquishpa, runacuna yachachishcallata c'aticunguichic— nirca.

SAN LUCAS 11:38

Fariseocuna micungapacca, maquitaracmi alli jahuaccuna carca. Jesús mana chashna ruhuacpimi, chai runaca mancharirca.

SAN LUCAS 12:50

Bautizaric shina, llaquita apanaracmi cani. Chai pactangacamanca, mai llaquillami cani.

SAN LUCAS 14:14

Chashna mana cutichishpa caraipaccunaman carashcamantaca, cushicunguimi. Shina ruhuacpimi, Dios alli nishcacuna causarimui punzhapica, Taita Diosca canmanca cutichinga— nirca.

SAN LUCAS 3:16

Chashna nicucpimi, Juanca tucui chaipi caccunataca: —Ñucaca cancunataca yacullahuanmi bautizani, ashtahuanpish ñucapac q'uipa shamucmi Diospac Espirituhuanpish, shinallatac ninahuanpish cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushuta huatashcallatapish mana pascaipacmi cani.

SAN JUAN 1:33

Chashna ricushpapish, chai shamucca pai cashcataca mana yacharcanichu. Ashtahuanpish yacuhuan bautizachun ñucata cachac Taita Diosmi: ‘Maijanpimi ñuca Espíritu shamushpa tiyaricta ricungui, chaimi ñuca Espirituhuanca bautizanga’ nirca.

SAN JUAN 5:29

Huañushcacuna causarina punzhapica, allita ruhuaccunaca causaita japingapacmi enterrashcamanta causaringacuna, ashtahuanpish mana allita ruhuaccunaca llaqui pachaman cachashca cangapacmi enterrashcamanta causaringacuna.

HECHOS 10:47

Chaimantami Pedroca: —Paicunapish ñucanchic shinallatacmi, Diospac Espiritutaca chasquincuna. Chaimanta paicuna bautizarichunca, pi mana jarcangachu— nirca.

HECHOS 13:3

Ña ayunashpa mañashca q'uipaca, Bernabepac, Saulopac uma jahuapi maquita churashpami: “Allilla ringuichic” nishpa cacharcacuna.

HECHOS 16:15

Chaimantami paipac tucui familiandic bautizarishpa: —Apunchic Jesusta ñuca ña cric cashcata yachanguichicmi. Cunanca jacuchic, ñuca huasipi samaringuichic— nirca. Chashna nishpami, ñucanchictaca saquichirca.

HECHOS 16:33

Chai tutallatacmi carcelta cuidacca tuta cacpipish, paicunapac chugricunata ña jahuachishca q'uipaca, paipac tucui familiacunandic bautizarircacuna.

HECHOS 17:18

Epicúreos*f** nishca yachaccunamantapish, estoicos*f** nishca yachaccunamantapish, maijancunaca Pablohuan rimanacungapacmi tandanacurcacuna. Jesusmanta alli huillaita, shinallatac huañushcacuna causarinamanta Pablo huillacucpimi, maijancunaca: —Cai imatapish rimaricuclla runaca cashna nishpaca, ¿imatashi nisha nin?— nircacuna. Cutin maijancunaca: —Paica shuc dioscunamanta yachachicmari yuyachin— nircacuna.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

HECHOS 2:41

Chaipi caccunamantaca taucacunami Pedro huillashcata cazushpaca bautizarircacuna. Chai punzhapica, quimsa huaranga shinami cric tucushpa, caishuc criccunahuan tandanacurcacuna.

HECHOS 23:6

Chai tandanacushca mandaccunapuramanta maijancunaca saduceocuna,*f** maijancunaca fariseocuna*f** cacta ricushpami, tucui chaipi caccunapac ñaupapi Pabloca sinchita rimashpaca: —Caipi tandanacushca huauquicuna. Ñucaca fariseo runami cani. Ñuca taitapish fariseomi. Taita Dios huañushcacunata causachinata crishcamantami, caipi cancuna ñucata tapushpa juchanchicunguichic— nirca.

HECHOS 24:15

Huañushcacunataca allicunata mana allicunatapish, Taita Diosca causachina cashcatami cushicushpa shuyacuni. Ñucata juchanchiccunapish chashnallatacmi shuyacuncuna.

HECHOS 24:21

Paicunapac ñaupapi: ‘Huañushcacuna causarinata crishcallamantami, cunan cancunaca tapucunguichic’ nishpami, sinchihuan nircani. Chashna nishcallamantami, cunan paicunaca juchanchicuncuna— nirca.

HECHOS 24:25

Pabloca Dios munashca shina causanamanta, mana alli munaita jarcarinamanta, imalla ruhuashcata Taita Dios taripana cashcamantapish huillacpimi, Felixca mancharishpa Pablotaca: —Cunanca rilla. Cutin uyasha nishpaca, c'ayachishallami— nirca.

HECHOS 26:8

Shinashpaca, huañushcacunata Taita Dios causachina cashcataca, ¿ima nishpatac cancuna israelcunaca mana cringuichic?

HECHOS 4:2

Pedropish Juanpish: “Jesús huañushcacunapuramanta causarishpa, tucui huañushcacuna causarina cashcatami ricuchin” nishpa, gentecunaman yachachicushcamantami p'iñarircacuna.

HECHOS 6:6

Ña chashna acllashpaca, Jesús acllashca huillaccunapacmanmi pushamurcacuna. Paicunaca chai runacunapac uma jahuapi maquita churashpami, Taita Diosman mañarcacuna.

ROMANOS 2:16

Alli huillaita ñuca huillashca shina, tucui gentecuna pacalla ruhuashcata Taita Dios Jesucristomanta taripai punzhapimi chashnaca ricuringa.

1 CORINTIOS 10:2

Chashna p'uyuhuanpish, cucha yacuhuanpish bautizaric shina tucushpami, Moiseshuan shuc shinalla tucurcacuna.

1 CORINTIOS 12:13

Chashna shuclla cuerpo tucungapacmi, tucui ñucanchicca israel*f** cashpa, mana israel cashpa, amopacta ruhuac cashpa, mana amopacta ruhuac cashpapish, Taita Diospac shuclla Espirituhuan bautizarishca canchic. Shinallatac Taita Diosca chai Espiritullatatacmi yacuta ubiachic shina, ñucanchicmanca curca.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

COLOSENSES 2:12

Cancuna ña bautizarishca cashcamantaca, Apunchic Jesucristohuan enterrashca shinami canguichic. Shinallatac Cristota causachic imatapish ruhuaclla Taita Diosta crishcamantaca, huañushcacunapuramanta Cristohuan pacta causachishca shinapishmi canguichic.

2 TIMOTEO 2:18

Paicunaca chashna tucushpami cashcata nic yachachishcata saquishpa, “huañushcacunaca ñami causarishca” nishpa tauca criccunata pandachishpa puricuncuna.

HEBREOS 11:35

Crishcamantami huarmicunapish, paicunapac aillupuramanta huañushca cashpapish, causarishcata chasquircacuna. Cutin shuccunaca causarina punzhapi sumac causaita japingapacmi, cacharishun nicucpipish mana uyashpa, huañunalla llaquita apashpa huañurcacunalla.

HEBREOS 9:10

Shina cacpica micunapish, ubianapish, Diospac ñaupapi alli ricuringapac maillarinapish, jahualla imata ruhuana cashcata ricuchicllami. Chaicunaca Dios shuc layata ruhuangacamanllami alli carca.

2 PEDRO 3:7

Shina cashpapish jahua pachapi, cai pachapi cunan ima tiyashcacunataca, chai rimashcallahuantacmi ninahuan tucuchingapac Taita Diosca huacaichishpa charicun. Chai ninaca Dios taripashpa millaicunata llaquichina punzhapimi, rupachishpa tucuchinga.