HEBREOS 4:3 - Nuevo Testamento en Quichua Cañar 1996

³ Shina cacpipish ñucanchicca crishcamantami, Taita Dios cusha nishca samarinamanca yaicushun. Samarinamanta Taita Dios rimashpaca: “Ñuca p'iñarishpaca: ‘Ñucahuan samaringapacca manatac yaicungacunachu’ nircani” ninmi. Shina nishpaca, Taita Diosca cai pachata ruhuashca q'uipa samarishcatami nisha nin.

Dios Rimashcata Quillcashcami

³ Dios nishca shinami ñucanchicca crishcamanta, pai cusha nishca samarinaman yaicushun. Diosca: “Yallita ñuca piñarishpami: ‘Ñucahuan samaringapacca mana yaicungacunachu’ nircani” nirca. Shina nishpaca, Diosca cai pachata ruhuashca quipa samarishcatami nisha nin.

HEBREOS 4:3 ပူးပေါင်းရင်းမြစ်များ

SAN MATEO 13:35

Shinaca Diosmanta ñaupa huillac nishca pactachunmi, chashnaca tucurca. Chaipica: “Yuyaita japina parlohuanmi parlasha. Cai pachata ruhuashca punzhamanta pacha, pi mana yachachishcatami huillasha” nishcami.

SAN MATEO 25:34

Ñuca alli maqui ladoman caccunataca: ‘Ñuca Taita alli nishcacuna, ñucahuan pacta mandangapac shamuichic, japinguichic. Cai mandanataca Diosmi cai pachata ruhuashca punzhamanta pacha, cancunaman cungapac allichishpa charicushca.

EFESIOS 1:4

Taita Diosca paipac c'uyaimantami manarac cai pachata ruhuashpa, ñucanchictaca Cristohuan shuc shinalla tucushpa jucha illac, paipaclla paipac ñaupapi cachun acllashca.

HEBREOS 3:11

Chaimantami ñuca p'iñarishpaca: ‘Ñucahuan samaringapacca manatac yaicungacunachu’ nircani” ninmi.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

HEBREOS 9:26

Chashna ruhuana cashca cacpica, Apunchic Jesusca Dios cai pachata ruhuashca punzhamanta pachaca, tauca cutinmi huañuna canman carca. Ashtahuanpish Apunchic Jesusca cunan punzhacunapica, huiñaipac shuc cutinlla ricurishpa, tucui gentecunapac juchacunata anchuchingapacmi, pai quiquinllatac Diosman curishpa huañurca.

1 PEDRO 1:20

Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.