HEBREOS 3:14 - Nuevo Testamento en Quichua Cañar 1996

¹⁴ Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

Dios Rimashcata Quillcashcami

¹⁴ Callaripi caticushca shina, Cristopi shunguta churashpa tucuringacaman catishpaca, Cristo japishca shinami ñucanchicpish japishun.

HEBREOS 3:14 ပူးပေါင်းရင်းမြစ်များ

ROMANOS 11:17

Maijan israelcunaca alli olivo yuramanta ramata p'itishca shinami. Shina cacpi can mana israelca, sachapi huiñashca olivo yuramanta ramata p'itishpa, alli olivo yurapi llutachishca shinami cangui. Shina cashpami, canca chai sapimanta huiñashca yura shina causaita japishcangui.

ROMANOS 11:22

Taita Diosca llaquic cashcata, shinallatac imamanta llaquichina cacpica llaquichiclla cashcata yachanami cangui. Taita Diosca mana cazuccunata llaquichicushpapish, cantaca mana llaquichishcami. Shina cacpica, Diospac c'uyaita mana cungarishpami causana cangui. Mana shina cacpica, cantapish anchuchingami.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 10:17

Taucacuna cashpapish, tucuimi chai tandallatatac micunchic. Chai shina cashcamantami tucui criccuna shuc cuerpo shina canchic.

1 CORINTIOS 9:23

Chai shina alli huillaita huillashpaca, chai huillashca allicunata cusha nishcata japingapacmi, chashnaca tucuni.

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamanta, mana israelcuna israelcunahuan pacta japina cashcata japingacunami. Paicunaca shuc cuerpo shina cashcamantami, Jesucristomanta Taita Dios cusha nishcataca chasquingacuna.

1 TIMOTEO 6:2

Shinallatac maijan servicpish, Jesusta cric amocunata servicushpaca, “cric amollami” nishpa mana cazuna yuyaita ama charichun yachachingui. Ashtahuanpish chai serviccunataca: “Cancuna c'uyashca cric huauquipacta ruhuacushcamantaca, ashtahuan alli cazunami cangui” nishpami, cunashpa yachachina cangui.

HEBREOS 11:1

Crinaca “imatapish japishatacmi” nishpa, chai yuyailla shuyanami. Manarac ricushca cashpapish, “chai shinatacmi canga” nishpa, chai yuyailla canami.

HEBREOS 12:10

Cai pachapi ñucanchic taitacunaca ashacamanllami quiquinpac allipacllatac ñucanchictaca llaquichiccuna carca. Ashtahuanpish Taita Dioscarin pai shina jucha illac cachunmi, ñucanchicpac allipacllatac ima shinapish llaquichin.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

HEBREOS 6:11

Cancuna shuyacushcata Taita Dios tucui pactachingacaman, chashna alli c'aticushcata ricuchichunmi munanchic.

HEBREOS 6:4

Maijanpish Taita Dios yuyaita achicyachicpi, mishquilliric shina Dios cushcacunata yachashpa, Diospac Espiritutapish chasquishpa,

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

1 PEDRO 5:1

Cunanca cancunapuramanta tandanacushca criccunata pushaccunatami cunashpa rimasha nini. Ñucapish paicuna shinallatac pushacmi cani. Shinallatac Cristo ima shina llaquita apashcatapish ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

1 JUAN 1:3

Ima shinami Taita Dioshuan, shinallatac paipac Churi Jesucristohuan shuc shinalla canchic, chai shinallatac ñucanchichuan shuc shinalla cachunmi uyashcatapish, ricushcatapish cancunamanca huillanchic.