HEBREOS 3:13 - Nuevo Testamento en Quichua Cañar 1996

¹³ Chaipac randica Dios quillcachishcapi nishca shina, cunan causacushparac punzhanta caishuc chaishuc yuyachinacushpa, cancunapac shungu rumiyashca shina tucuchunpish, juchapi pandarichunpish ama saquinguichicchu.

Dios Rimashcata Quillcashcami

¹³ Chaipac randica, cunan punzha tiyacpirac caishuc chaishuc yuyachinacushpa, cancunapac shungu rumiyashpa juchapi pandarichun ama saquinguichicchu.

HEBREOS 3:13 ပူးပေါင်းရင်းမြစ်များ

HECHOS 11:23

Bernabé chaiman chayashpaca, Taita Diosca mai c'uyashpa, quishpichishcata ricushpaca cushicurcami. Paica tucui criccunatami: “Apunchic Jesusllata tucui shunguhuan alli cazunguichic” nishpa cunarca.

ROMANOS 7:11

Mandashcacuna tiyashcamantami juchaca ñuca yuyaipi yaicushpa, mana allita ruhuachishpa pandachirca. Juchaca chai mandashcacunahuanmi, ñucataca huañushca shinata ruhuarca.

EFESIOS 4:22

Chaimanta cancunaca ñaupa ima shina causacushcataca saquishpami, chai ñaupa mana alli yuyaicunata mana yuyana canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

1 TESALONICENSES 2:11

Huahuacunata shuc taita yachachic shinami, ñucanchicpish cancunataca caishucta chaishucta cunashpa cushichircanchic. Chaitaca cancunallatac yachanguichicmi.

1 TESALONICENSES 4:18

Chaimanta cai rimashcacunahuan caishuc chaishuc cushichinacuichic.

1 TESALONICENSES 5:11

Chashna cashcamanta ima shinami cunan cancuna c'aticuc shinallatac, caishuc chaishuchuan alli c'atina yuyaita cunacushpa, ayudanacushpa causaichic.

2 TIMOTEO 4:2

Alli huillaitaca uyasha nicpi, mana uyasha nicpipish huillacunguilla. Mana p'iñarishpa alli yachachishpa rimacuilla, cunacuilla nishpami mingani.

HEBREOS 13:22

C'uyashca criccuna, cancuna alli c'atichun nishpa, cai ñuca asha quillcashcataca mana p'iñarishpa chasquichun nishpami mañani.

SANTIAGO 1:14

Ashtahuanpish quiquinllapitac mana alli munaicuna tiyashcamantami, chai mana alli munaicunaca mishquilliric shina, mana allita ruhuanaman pushan.