HEBREOS 2:9 - Nuevo Testamento en Quichua Cañar 1996

⁹ Ashtahuanpish Jesustaca, ashacamanlla angelcunamanta asha yangallata ruhuashpa, cunanca llaquita apashpa huañushcamanta Taita Dios sumac alli nishcata ruhuashcatami ricunchic. Taita Diosca tucui mashnata c'uyashcamantami, Jesús tucuipac allipac huañuchun nicpi paica huañurca.

Dios Rimashcata Quillcashcami

⁹ Ashtahuanpish Jesusta, ashacamanlla angelcunamanta asha yangallata ruhuashpapish, llaquita apashpa huañushcamantami sumacyachishca, alli nishcata ruhuashca. Chaica, Dios cuyashcamantami, Jesusca tucuipac allipac huañurca.

HEBREOS 2:9 ပူးပေါင်းရင်းမြစ်များ

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN MATEO 6:28

¿Ima nishpatac cancunaca ‘churana illan’ nishpa, chai yuyailla canguichic? Chagrapi tiyac sisacuna sumacta sisacucta ricushpallapish yuyarichic. Paicunaca mana puchcanchu, imatapish mana ruhuanchu.

MARCOS 9:1

Chashnallatac Jesusca: —Taita Dios imatapish ruhuaclla cashcahuan mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN LUCAS 9:27

Maijan caipi caccunaca, Taita Dios ima shina mandacucta ricungacaman manarac huañunguichicchu. Chaica chashnatacmi canga— nirca.

SAN JUAN 1:29

Cayandic punzha Jesús paipacman chayamucucta ricushpami, Juanca cashna nirca: —Riquichic. Caimi cai pachapi causaccunamantaca, juchacunata anchuchichun Taita Dios cachashca Pactalla Ovejaca.*f**

SAN JUAN 10:17

Ñucaca huañuna cacpipish, q'uipaman causaringapacca huañushallami. Chaimantami ñuca Taitaca ñucata c'uyan.

SAN JUAN 12:32

Caspipi jahuaman huarcushca cashpami, tucui mashnata ñucapacman pushasha— nirca.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

SAN JUAN 8:51

Maijanpish ñuca nishcata cazucca mana huañungachu. Chaica chashnatacmi canga— nirca.

SAN JUAN 8:52

Shina nicpi, mandac israelcunaca: —Cunancarin supaihuan cashcata yachanchictacmi. Taita Abrahampish, Diosmanta ñaupa huillaccunapish huañurcami. Shina cacpica, ¿ima shinatac cutin canca ‘maijanpish ñuca nishcata cazuccunaca mana huañungachu’ ninguiyari?

HECHOS 2:33

Taita Dios Jesusta causachishpaca, jahua pachapi paipac alli maquimanmi tiyachirca. Chashnallatac Taita Diosca pai cusha nishca paipac Espirituta Jesusman cucpimi, paica ñucanchicman cachashca. Chaitami cunan cancunaca ricucunguichic, uyacunguichic.

HECHOS 3:13

ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.

ROMANOS 5:18

Ima shinami Adán juchallishcamanta tucui gentecuna juchayuc tucushpa llaquichina tucurca, chai shinallatacmi Apunchic Jesucristo cashcata ruhuac cashcallamanta, tucui gentecuna mana juchanchishca cashpa, causaita charingacuna.

ROMANOS 5:8

Ashtahuanpish ñucanchic juchayuccuna cacpica, Cristo ñucanchicmanta huañucpimi, Taita Diosca ñucanchicta c'uyac cashcata ricuchin.

ROMANOS 8:3

Taita Diosmi paipac shuclla Churita juchayuc gentecunapac randi runa tucushpa, llaquita apashpa, juchacunamanta Diosman cushca shina huañuchun cacharca. Moisés mandashcacunata gentecunapac munaillamanta mana pactachipac cacpimi, chashnaca ruhuarca. Chai shina ruhuashpami, gentecunapi tiyac juchataca tucui chingachirca.

ROMANOS 8:32

Taita Diosca paipac quiquin Churitaca tucui ñucanchicmanta llaquita apachunca, mana jarcarishpami saquircalla. Chashna saquishpaca, ¿manachu paipac Churita cushca shinallatac imatapish cunga?

2 CORINTIOS 5:15

Cristoca cunan causacuccuna ama paicuna quiquinpaclla causachun, ashtahuanpish Cristopac causachunmi tucuimanta huañurca. Chashnaca tucuipac allipacmi huañushpa causarirca.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

GÁLATAS 4:4

Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

1 TIMOTEO 2:6

Tucui gentecunata quishpichingaraicumi, paillatac japi tucushpa huañurca. Chashna huañushpami, Taita Dios munashca punzhacuna pactacpica, Dios quishpichic cashcata ricuchirca.

HEBREOS 1:9

Canca allita ruhuanataca c'uyashcanguimi. Mana allita ruhuanataca p'iñashcanguimi. Chaimantami cambac Taita Diosca, caishuccunamanta yalli canman cushicuita cungapac canta acllashcani” ninmi.

HEBREOS 10:5

Chashna cashcamantami Apunchic Jesusca cai pachaman shamushpaca, Taita Diostaca cashna nirca: “Animalcunata canman cushpa huañuchishcatapish, imallata canman cushcacunatapish, mana nircanguichu. Ashtahuanpish runa tucuchunmi, ñucataca allichircangui.

HEBREOS 11:5

Crishcamantami Enoctapish ama huañuita ricuchun nishpa, causacta jahua pachaman apashca carca. Shina cacpimi paitaca mashcashpapish mana tarircacuna. Dios quillcachishcapica, Enoc manarac jahua pachaman apashca cashpaca, Taita Dios munashcatami ruhuashpa causarca ninmi.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

HEBREOS 2:7

Asha punzhacamanllami paitaca angelcunamanta yangallata ruhuashcangui, ashtahuanpish paimanca sumac alli nishca canatami cushcangui. Can imata ruhuashcacunata mandactapish paitaca ruhuashcanguimi.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

HEBREOS 8:3

Tucui curacunata jatun mandac curacunami, Diosman imallata cushcacunata chasquishpa cungapac, animalcunata huañuchishpa Diosman cungapacpish acllashca can. Shina cashcamantami Apunchic Jesucristopish Diosmanca imallatapish cuna can.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

1 JUAN 2:2

Jesucristoca Taita Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchic juchacunallamantachu huañurca, ashtahuanpish tucui cai pachapi causaccunapac juchata perdonachunmi huañurca.

APOCALIPSIS 19:12

Paipac ñahui murucunaca nina shinami jagan nicurca. Umapica tauca coronacunami carca. Paipica pipish mana entendipac shutimi carca. Chai shutitaca paillami yacharca.

APOCALIPSIS 5:9

Shinallatac shuc mushuc cantota cantashpaca: —Canllami unanchishcacunata p'itishpa, pillushca p'angata pascaipacmi cangui. Canca huañushpami, Taita Diospac cachun tucui aillucunamantapish, tucui laya rimaita rimaccunamantapish, tucui llactacunamantapish, tucui laya gentecunamantapish cambac yahuarhuan randishpa tandachishcangui.