HEBREOS 2:4 - Nuevo Testamento en Quichua Cañar 1996

⁴ Taita Diospish pi mana ruhuaipaccunata, pi mana ricushcacunata ruhuashpa, shinallatac pai munashca shina imatapish ruhuachun paipac Espiritutaca cushpami, chashnatac cashcata ricuchirca.

Dios Rimashcata Quillcashcami

⁴ Diospish mancharinacunata, milagrocunata ruhuashpa, pai munashca shina paipac Espirituta cushpa, chashnatac cashcata ricuchirca.

HEBREOS 2:4 ပူးပေါင်းရင်းမြစ်များ

MARCOS 16:20

Yachacuccuna rishpaca, maipipish tucui gentecunamanmi huillarcacuna. Chashna huillacucpica, Apunchic Jesusmi imapipish paicunataca ayudac carca. Pi mana ruhuaipaccunata ruhuachishpami, Jesusca paicunahuan cashcataca ricuchicurca.]

MARCOS 6:14

Jesús imata ruhuashpa puricuctaca, tucui gentecunami maipipish parlanacurcacuna. Shina parlanacucta llactata mandac Herodes uyashpami: —Bautizac Juanmi huañushcacunapuramanta causarimushca canga. Shina cashpami, paica pi mana ruhuaipaccunata ruhuacunga— nirca.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñuca ima shina cashcataca huillanga. Paica cashcata nicmi.

SAN JUAN 4:48

Chashna mañacpimi Jesusca: —Pi mana ruhuaipaccunata ruhuacta manarac ricushpaca, ñuca alliyachinataca mana cringuichicchu— nirca.

HECHOS 14:3

Chashna cacpipish, Pabloca Bernabendic Jesús paicunahuan cashcata yachashpa, chai pueblopi unaicaman saquirishpami: “Taita Diosca mai c'uyacmi” nishpa, mana manchashpa huillarcacuna. Apunchic Jesús paicunahuan cacpimi, pi mana ruhuaipaccunatapish, pi mana ricushcacunatapish ruhuarcacuna.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

HECHOS 5:32

Ñucanchicca cai tucui uyashcatapish, ricushcatapish huillaccunami canchic. Shinallatacmi Diospac Espiritupish cai tucuita huillacun. Taita Diosca paita cazuccunamanmi paipac Espiritutaca cushca— nircacuna.

EFESIOS 1:5

Shinami Jesucristohuan shuc shinalla tucushcamanta, ñucanchictaca paipac huahuata shina ruhuashpa, chasquishpa, ñaupaman pai ima shina munacushcata pactachirca.

EFESIOS 1:9

pai munashcamanta ñaupaman cusha nishca pacashcataca, Cristomanta ñucanchic japichun ricuchirca.

EFESIOS 4:7

Shina cashpami, ñucanchicca Diosmanta ruhuac canata Cristo cusha nishpa cushcamanta chasquishcanchic.

HEBREOS 6:4

Maijanpish Taita Dios yuyaita achicyachicpi, mishquilliric shina Dios cushcacunata yachashpa, Diospac Espiritutapish chasquishpa,