HEBREOS 13:24 - Nuevo Testamento en Quichua Cañar 1996

²⁴ Tucui cancunata pushaccunatapish, shinallatac Diospaclla cac tucui criccunatapish “allilla cashca cachun” ninchicmi. Italia llactapi causac criccunapish, “allilla cashca cachun” nishpami cachancuna.

Dios Rimashcata Quillcashcami

²⁴ Tucui pushaccunatapish, Diospaclla cac criccunatapish saludanchicmi. Italia llactapi causac criccunapish saludancunami.

HEBREOS 13:24 ပူးပေါင်းရင်းမြစ်များ

HECHOS 18:2

Chai puebloman chayashpaca, Ponto llactamanta cac Aquila shuti Israel*f** runahuanmi tuparca. Roma*f** llactata jatun mandac Claudio tucui chaipi causac israelcunata:*f** “Cai llactamanta llucshishpa richic” nishcamantami, chai Aquila runaca paipac huarmi Priscilandic Italia llactamanta llucshishpa, Corinto pueblomanca cunanlla shamushcacuna carca. Pabloca paicunapacmanmi rirca.

HECHOS 27:1

Mandac Festo ñucanchicta ña Italia llactaman cachagricushpaca, Pablotapish, shinallatac shuc prezucunatapish pasac soldadocunata mandac Juliomanmi cushpa cacharca. Chai Julioca Roma*f** llactata jatun mandac Augustopac soldadocunapurami carca.

HECHOS 9:13

Chashna nicpi Ananiasca: —Apunchic Jesús. ‘Chai Saulo runaca, Jerusalenpi causac Diospaclla cac criccunata p'iñashpa llaquichicun’ nishpa, taucacuna ninacuctami uyarcani.

1 CORINTIOS 16:16

Shina cashcamantami paicuna shina imatapish ruhuaccunata, shinallatac tucui allita ruhuashpa ayudaccunatapish cazuchun munani.

2 CORINTIOS 1:1

Taita Dios munashcamanta Jesucristo acllashca huillac Pablomi cani. Jesusmanta ñucanchic huauqui Timoteohuan ishcai tucushpa, Corinto pueblopi Diospaclla tandanacushca criccunaman, shinallatac Acaya llactapi cac tucui criccunamanpish “allillachu canguichic” nishpami quillcanchic.

2 CORINTIOS 13:13

Tucui criccunami “allilla cashca cachun” nishpa cachancuna.

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

FILIPENSES 4:22

Tucui caipi ñucahuan cac criccunapish cancunataca “allilla cashca cachun” nishpami cachancuna. Ashtahuancarin Roma*f** llactata jatun mandacpac huasipi cac criccunapish, cancunataca “allilla cashca cachun” nishpami cachancuna.

COLOSENSES 1:2

Colosas pueblopi causac, Diospaclla cac criccunaman cai quillcata quillcani. Cancuna Cristohuan shuc shinalla tucushpa, paita alli c'atic, ñucanchic c'uyashca criccunami canguichic. Ñucanchic Taita Dios mai c'uyashpa, cancunaman sumac causaita cushca cachun ninimi.

HEBREOS 13:17

Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.

HEBREOS 13:7

Diosmanta alli huillaita maijan cancunaman huillashpa pushashcataca yuyarichicyari. Paicuna causashcata yuyarishpa, paicuna ima shina crishcata ricushpa c'atichic.