HEBREOS 12:9 - Nuevo Testamento en Quichua Cañar 1996

⁹ Ñucanchic taitacunaca ñucanchic uchilla huahuacuna cashpa, ima mana allita ruhuacpica, llaquichiccunami carca. Chashna llaquichicpica, cazuccunami carcanchic. Shina cacpica ñucanchic causaita japingapacca, ¿ima nishpatac jahua pachapi causac ñucanchic Taita Diostaca mana cazushunyari?

Dios Rimashcata Quillcashcami

⁹ Ñucanchic taitacunaca, ñucanchic mana allita ruhuacpica, llaquichicmi carca. Chaipica, cazucmi carcanchic. Chashna cashpaca, ¿ima nishpatac jahua pacha ñucanchic Diostaca mana cazushunyari? Chashna cazushpami huiñaita causashun.

HEBREOS 12:9 ပူးပေါင်းရင်းမြစ်များ

SAN LUCAS 18:2

“Shuc pueblopimi, shuc juez causarca. Chai juezca Diostapish mana manchac, pitapish mana llaquicmi carca.

SAN LUCAS 18:4

Juezca pai mañashcata mana utca ruhuarcachu. Chashna nishpa puricucllapimi, chai juezca cashna yuyarca: ‘Diostapish mana manchanichu, pitapish mana llaquinichu.

SAN JUAN 3:6

Aichayuc, tulluyucmanta huacharicca, aichayuc tulluyucllatacmi. Ashtahuanpish Diospac Espiritumanta huacharicca, Diospac Espiritutami charin.

HECHOS 2:30

Davidca Diosmanta huillacmi carca. Chaimantami paitaca Taita Diosca: ‘Cambac huahua huahuacunapuramantami, Quishpichic Cristoca shamunga. Pai shamushpaca, can mandashca shinallatacmi mandanga’ nirca. Taita Diosca paillatac chashna ruhuasha nishcata pactachina cashcataca, Davidca allimi yacharca.

ROMANOS 1:3

Cai alli huillaica Diospac Churi ñucanchicta Mandac Jesucristomantami huillacun. Runa tucungapacca ñaupa mandac Davidpac huahua huahuapuramantami huacharirca.

ROMANOS 9:3

Chaimantami ñuca quiquin aillucunapac randi, ñucallatac Cristomanta anchurishpa, llaquichishca canata munaiman.

ROMANOS 9:5

Paicunaca ñucanchic ñaupa taitacunapac huahua huahuacunami can. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

SANTIAGO 4:10

Apunchic Jesuspac ñaupapica, ama jatun tucuichicchu. Chashna mana jatun tucucpimi, paica “jatunmi canguichic” ninga.

SANTIAGO 4:7

Diablota mana ricunachishpa, Taita Diosllata cazuichic. Shina ruhuacpica, diabloca cancunamanta caruyangallami.

1 PEDRO 5:6

Pai jatunyachina punzha cancunata jatunyachichunca, ama jatun tucushpa, imatapish ruhuaclla Diospac maquipi causaichic.

APOCALIPSIS 22:6

Chai q'uipaca chai angelca: —Cai ñuca rimashcacuna chashnatac cashcamanta shunguta churanallami. Diosmanta huillaccunaman yuyaita cuc Mandac Diosllatacmi, angelta ñalla ima tucuna cashcata paipacta ruhuaccunaman ricuchichun cacharca— nirca.