HEBREOS 12:25 - Nuevo Testamento en Quichua Cañar 1996

²⁵ Chaimanta Dios cancunata rimacta mana uyashun ninamantaca cuidaringuichic. Cai pachapi Dios ima nishcata mana cazuccunaca, tucuimi llaqui tucurca. Ñucanchiccarin jahua pachamanta rimacucta mana cazushpaca, ¿ima shinatac llaquimantaca anchurishunyari?

Dios Rimashcata Quillcashcami

²⁵ Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

HEBREOS 12:25 ပူးပေါင်းရင်းမြစ်များ

SAN MATEO 17:5

Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

SAN MATEO 8:4

Chashna alliyachishpaca, Jesusca: —Riqui, pi canta alliyachishcataca, pacta piman huillanguiman. Cunanca ri, Israel*f** curaman ricuchigri. Can alliyashcata paicuna ricuchunca, Diosman cuna cashcata Moisés mandashca shinallatac cugringui— nirca.

HECHOS 7:35

Israelcuna Egiptopica: ‘¿Pitac cantaca ñucanchicta mandac cachun, juez cachunca churarca?’ nishpami, Moisestaca p'iñarcacuna. Ashtahuanpish paicuna p'iñashca Moisesllatatacmi, Taita Diosca zarza yurapi ricuric angelman rimachishpaca, Egipto llactamanta llucchishpa, mandac cachun churarca.

1 TESALONICENSES 5:15

Shuccuna ima mana allita ruhuacpipish, paicunatapish chashnallatac ruhuanamantaca huacaichirichic. Chaipac randica punzhanta cancunapurapipish, tucui gentecunahuanpish allita ruhuanata munaichic.

2 TIMOTEO 4:4

Shinallatac cashcata nic huillashcataca manatac uyashun nishpami, imapish yanga parlocunallata uyangacuna.

HEBREOS 1:1

Ñaupa huatacunapica ñucanchic taitacunamanca, tauca cutinmi ima shinapish paimanta huillaccunata cachashpa, Taita Diosca huillachirca.

HEBREOS 11:7

Crishcamantami Noepish manarac ima tucushcata ricushpa, Dios mandashcata cazushpa, paipac aillu quishpirichun huambuc huasita ruhuarca. Pai crishcamantami, cai pachapi causac millai gentecunatapish llaquiman cacharca. Pai crishcamantami, Diosca paihuan alli tucuchun chasquirca.

HEBREOS 12:19

Shinallatac trompeta tocashcatapish, Dios rimashcatapish mana uyarcanguichicchu. Chaita uyaccunaca ama ashtahuan rimarishpa c'atichunmi mañarcacuna.

HEBREOS 3:12

C'uyashca criccuna, cancunapuramanta shucllapish millai yuyaihuan mana crisha nishpa, pacta causac Diosmanta caruyanguichicman.

HEBREOS 3:17

Shinallatac chai chuscu chunga huatacunataca Taita Diosca, ¿picunahuantac p'iñarishca carca? Chai shitashca pambapi juchallishpa huañuccunahuanmi p'iñarishca carca.

HEBREOS 8:5

Diosman mañana carpa huasita Moisés ruhuagricucpimi, Taita Dios rimashpaca: “Riqui, urcupi ima shina ruhuana cashcata canman ricuchishca shina, chai huasita ruhuangui” nirca. Shina cashcamantami cai pachapi cac curacuna imallata Diosman ruhuashpaca, jahua pachapi imalla tiyashcata ricuchic llandu shinalla ruhuacuncuna.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: —Ama chashna ruhuaichu. Ñucapish can shina Jesús huillashcata mana cungashpa c'atic, caishuc criccuna shinallatac Diospacta ruhuacmi cani. Taita Diostami alli nina cangui— nirca. Diosmanta huillaccunamanca Jesús huillashcacunami huillana yuyaita cun.

APOCALIPSIS 22:9

Shina alli nigricpica: —Ama chashna ruhuaichu. Ñucapish can shinallatac Diosmanta ñaupa huillaccuna shina, tucui cai libropi quillcachishcata cazuccuna shina, Diospacta ruhuacllami cani. Taita Diostami alli nina cangui— nirca.