HEBREOS 11:35 - Nuevo Testamento en Quichua Cañar 1996

³⁵ Crishcamantami huarmicunapish, paicunapac aillupuramanta huañushca cashpapish, causarishcata chasquircacuna. Cutin shuccunaca causarina punzhapi sumac causaita japingapacmi, cacharishun nicucpipish mana uyashpa, huañunalla llaquita apashpa huañurcacunalla.

Dios Rimashcata Quillcashcami

³⁵ Crishcamantami huarmicunapish, paicunapac aillucuna huañushcata causachishcata chasquirca. Cutin shuccunaca causarina punzhapi sumac causaita japingapacmi, cacharishun nicucpipish, huañunalla llaquita apashpa huañurcalla.

HEBREOS 11:35 ပူးပေါင်းရင်းမြစ်များ

SAN MATEO 22:30

Huañushcacuna causarina punzhapica, c'aricunapish, huarmicunapish mana cazarangacunachu, ashtahuanpish paicunaca jahua pachapi cac angelcuna shinami cangacuna.

MARCOS 12:25

Huañushcacuna causarina punzhapica c'aricunapish, huarmicunapish mana cazarangacunachu. Paicunaca jahua pachapi causac angelcuna shinami cangacuna.

SAN LUCAS 14:14

Chashna mana cutichishpa caraipaccunaman carashcamantaca, cushicunguimi. Shina ruhuacpimi, Dios alli nishcacuna causarimui punzhapica, Taita Diosca canmanca cutichinga— nirca.

SAN LUCAS 20:36

Taita Dios causachishcamantaca, paipac huahuacunami canga. Shinallatac angelcuna shinapish cangami. Chaimanta paicunaca ña mana huañungacunachu.

SAN JUAN 5:29

Huañushcacuna causarina punzhapica, allita ruhuaccunaca causaita japingapacmi enterrashcamanta causaringacuna, ashtahuanpish mana allita ruhuaccunaca llaqui pachaman cachashca cangapacmi enterrashcamanta causaringacuna.

HECHOS 22:29

Chashna nicpica, chai macashun nic soldadocunaca Pablota saquishpa anchurircallami. Roma llactamanta shina cashcata yachashpaca, chai mandacpish Pablota huatachishcamantaca mancharircami.

HECHOS 23:6

Chai tandanacushca mandaccunapuramanta maijancunaca saduceocuna,*f** maijancunaca fariseocuna*f** cacta ricushpami, tucui chaipi caccunapac ñaupapi Pabloca sinchita rimashpaca: —Caipi tandanacushca huauquicuna. Ñucaca fariseo runami cani. Ñuca taitapish fariseomi. Taita Dios huañushcacunata causachinata crishcamantami, caipi cancuna ñucata tapushpa juchanchicunguichic— nirca.

HECHOS 24:15

Huañushcacunataca allicunata mana allicunatapish, Taita Diosca causachina cashcatami cushicushpa shuyacuni. Ñucata juchanchiccunapish chashnallatacmi shuyacuncuna.

HECHOS 4:19

Shina nicpipish Juanpish, Pedropish cutimushpaca: —Cancunallatac alli yuyarichic. Taita Diosmanca, paita cazunapac randica, ¿cancunata cazunachu ashtahuan alli canga?

HECHOS 9:41

Chashna tiyaricpi, Pedroca maquimanta japishpa jatarichishpaca, viuda huarmicunata caishuc criccunandic c'ayashpaca, ña causarishcatami ricuchirca.

1 CORINTIOS 15:54

Ñucanchic ismuclla cuerpo mana ismuclla cuerpo tucucpi, shinallatac ñucanchic huañunalla cuerpo mana huañuna cuerpo tucucpica, Dios quillcachishcapi nishcami pactanga. Chaipica: “Tucui millaita mishacmi huañuitaca chingachishca.

FILIPENSES 3:11

Chashna ñuca huañushpapish, huañushcacunapuramantaca causarina yuyaillami cani.