HEBREOS 11:10 - Nuevo Testamento en Quichua Cañar 1996

¹⁰ Ashtahuanpish Abrahamca maita mana chingaripac puebloman yaicusha nishpa shuyarca. Chai pueblotaca Diosllatacmi alli yuyarishpa shayachirca.

Dios Rimashcata Quillcashcami

¹⁰ Abrahamca maita mana chingaripac, Diosllatac alli yuyarishpa shayachishca puebloman yaicusha nishpami shuyacurca.

HEBREOS 11:10 ပူးပေါင်းရင်းမြစ်များ

SAN JUAN 14:2

Ñuca Taitapac huasipi causanaca achcami tiyan. Chaipi mana causai tiyacpica, ñucallatacmi cancunamanca huillaiman carcani. Cunan rishpaca, cancuna causanata allichingapacmi rigrini.

2 CORINTIOS 5:1

Ñucanchicca chingariclla cai pachapi tiyac carpa huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasi shina cuerpota charishcatami yachanchic. Chai huasica jahua pachapimi, Taita Dios allichishca tiyacun.

FILIPENSES 3:20

Ashtahuanpish ñucanchic causana llactaca jahua pachami. Chai jahua pachamanta Quishpichic Apunchic Jesucristo cutimunallatacmi shuyacunchic.

HEBREOS 11:16

Ashtahuanpish paicunaca shuc sumac llactatami munarcacuna. Chai llactaca jahua pachami can. Shina cashcamantami “paicunapac Diosmi cani” ninataca, Taita Diosca mana pingan. Paicunamanca shuc alli pueblotami Taita Diosca allichishpa charicun.

HEBREOS 12:22

Ashtahuanpish cancunaca Sión*f** urcuman, causac Diospac jahua pacha Jerusalén puebloman, chaipi huaranga angelcuna tandanacushpa, Taita Diosta alli nicucmanmi chayarcanguichic.

HEBREOS 12:28

Dios cushca maipi mandacucca, mana cuyuchipacchu. Chaimanta manchaihuan, pai munashca shina tucui shunguhuan pagui nishpa, alli nishunchic. Paica chaitami munan.

HEBREOS 13:14

Cai pachapica huiñaita mana chingaric pueblotaca mana charinchicchu, ashtahuanpish shamuc punzhapi mana tucuric shuc pueblo tiyanatami shuyacunchic.

HEBREOS 3:4

Tucui huasicunami pi cashpapish ruhuashca cana can, ashtahuanpish tucui ima tiyashcatapish Diosmi ruhuashca.

APOCALIPSIS 21:2

Jahua pacha Diospac ñaupamanta Diospaclla cac mushuc Jerusalén pueblo, novio cusahuan tupangapac allichirishca shina urai shamucuctami ricurcani.