HEBREOS 10:36 - Nuevo Testamento en Quichua Cañar 1996

³⁶ Cancunaca mana p'iñarishpa, c'uyac shunguhuan llaquita apashpami, Diospac munaitaca pactachina canguichic. Chashna pactachishpami, pai cusha nicushcataca chasquinguichic.

Dios Rimashcata Quillcashcami

³⁶ Cancunaca llaquita apacushpapish mana piñarishpami, Diospac munaita pactachina canguichic. Chashnami pai cusha nicushcataca chasquinguichic.

HEBREOS 10:36 ပူးပေါင်းရင်းမြစ်များ

SAN MATEO 10:22

Cancuna ñucata c'aticushcamantaca, tucui gentecunami p'iñangacuna. Shina cacpipish tucuringacaman llaquicunata apaccunami quishpiringa.

SAN MATEO 12:50

Maijanpish jahua pachapi cac ñuca Taita munashcata ruhuaccunallami, ñuca mama, ñuca pani, ñuca huauqui— nirca.

SAN MATEO 21:31

Cai ishcaicunamantaca, ¿maijantac taita mandashcataca ruhuarca?— nishpa Jesús tapucpica, paicunaca: —Punta churiyari— nircacuna. Shina nicpi Jesusca: —Chai shinallatacmi Taita Dios mandacucmanca, Roma*f** llactaman impuestota japiccuna, shinallatac huaclli huarmicunarac cancuna manarac yaicucpi yaicungacuna. Chaica chashnatacmi.

SAN MATEO 24:13

Chashna cacpipish tucuringacaman chai llaquicunata apactaca, Taita Diosca quishpichingami.

SAN MATEO 7:21

Ñucata ‘Apunchic Jesús, Apunchic Jesús’ niccunamantaca, mana tucuichu jahua pacha Taita Dios mandacucmanca yaicungacuna, ashtahuanpish jahua pachapi cac ñuca Taita munashcata ruhuaccunallami chaimanca yaicungacuna.

MARCOS 3:35

Maijanpish Taita Dios munashcata ruhuaccunallami ñuca huauqui, ñuca pani, ñuca mamaca— nirca.

SAN LUCAS 21:19

Chashna llaquichicucpipish, tucui shunguhuan c'atirashpami quishpiringuichic.

SAN LUCAS 8:15

Ashtahuanpish alli allpapi urmashca muyu shinaca, Dios rimashca shimita tucui shunguhuan uyashpa, alli cazushpa mana cungariccunami. Chashna c'atishpami, alli p'ucuc shina ricurincuna.

SAN JUAN 7:17

Maijanpish Diospacta ruhuana munaita chariccunami, ñuca yachachishcaca ñuca quiquin munaimanta cashcata, mana cashpaca Diosmanta cashcata yachac chayancuna.

HECHOS 13:22

Chai q'uipami Saulta llucchishpa, paipac randica Davidta jatun mandac cachun churarca. Taita Diosca Davidmanta nishpaca: ‘Isaipac churi Davidllami ñuca tucui ima nishcata ruhuashpa, ñuca munashca shina mandanga’ nirca.

HECHOS 13:36

Davidca pai causai punzhacunapi causaccunataca, Dios munashca shinami servirca. Chashna cashpapish paica huañurcami. Chashna huañucpica, paipac ñaupa taitacuna enterrashcapimi enterrarcacuna. Paipac cuerpopish ismurcami.

ROMANOS 12:12

Crishcamanta japina cashcata shuyacushcamantaca, cushicushpa causaichic. Ima llaqui japicpipish, chai llaquita apaichiclla. Taita Diosman mañanataca ama saquichicchu.

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

ROMANOS 8:25

Ashtahuanpish manarac ricushcata shuyacushpaca, llaquita apashpapish ricuna yuyaillami shuyacunchic.

1 CORINTIOS 13:7

C'uyaita charicca ima llaquitapish apacmi, crishpa c'aticmi, shuyana cashcata shuyacmi, shinallatac imamantapish mana p'iñarishpa jarcaricmi.

GÁLATAS 6:9

Chaimanta ima allita ruhuanataca mana shaicushpami ruhuana canchic. Chashna mana shaicushpa allita ruhuashpa causashpaca, japina punzha chayamucpica japishunmi.

EFESIOS 6:6

Imata ruhuashpapish, ama paicuna ricucucpi alli ricuringaraiculla ruhuac tucuichicchu, ashtahuanpish Cristopacta ruhuaccuna cashcamanta tucui shunguhuan Dios munashcata pactachishpa, amopacta ruhuaichic.

COLOSENSES 1:11

Taita Dios paipac sumaimana imatapish ruhuaclla cashcahuan cancunata sinchiyachichunmi, paiman mañacunchic. Shina cacpimi, cancunaca ima llaquita apashpapish ama p'iñarishpa,

COLOSENSES 3:24

Cancuna allita ruhuashcamantaca, criccuna japichun Dios huacaichishcata japigrina cashcata yuyaichic. Jesucristo cancunapac Amo cacpimi, cancunaca imata ruhuashpapish, paipacta ruhuacunguichic.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli c'atishpa, tucui shunguhuan Diospac munaita alli yachashpa, Diospacta ruhuachunmi, punzhanta Taita Diosman mañacunlla.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

HEBREOS 11:39

Chashna jatun llaquita apaccunaca crishcamanta Taita Dios alli nishca cashpapish, Dios cushami nishcataca mana chasquircacunachu.

HEBREOS 12:1

Shina cashcamanta ñucanchic muyundicpi Diosta alli crishcata ricuchiccuna p'uyu shina achcacuna tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcamanca mana shaicushpa rishunchiclla.

HEBREOS 13:21

Diosllatac tucui imapipish pai munashca shina allicunata ruhuac cachun cancunaman yachachichun, shinallatac Jesucristomanta tucui ñucanchicta pai munashca shina ruhuachichun nishpami mañani. ¡Apunchic Jesusllata huiñai huiñaita “sumacmari cangui” nishca cachun! Chashna cachun.

HEBREOS 6:12

Q'uillacuna tucuchunca mana munanchicchu, ashtahuanpish crishcamanta mana p'iñaric, alli shunguhuan Dios cusha nishcata japiccuna cachunmi munanchic.

HEBREOS 6:15

Abrahamca mana p'iñarishpa, alli shunguhuan shuyacushpallami, Taita Dios cushami nishcataca chasquirca.

HEBREOS 6:17

Taita Diospish pai cushami nishcata japiccunamanca, imatapish mana shuctacyachishpa, pai cushami nishcataca paipac quiquin shimihuanmi pactachirca.

HEBREOS 9:15

Dioshuanpish, gentecunahuanpish mushuc ari ninacuita pactachic Jesucristoca huañushpami, gentecuna puntaman ari ninacushcata mana pactachishpa, juchapi huatashca shinacunataca cacharichishca. Chai shinami Dios c'ayashcacuna pai cusha nishcata huiñai huiñaipac chasquichun ruhuarca.

1 PEDRO 1:9

Cancunaca crishpa, quishpirinata japigricushcamantami, chashnaca cushicunguichic.

1 JUAN 2:17

Cai pachaca tucui ima tiyashca millai munaicunandicmi chingaringa, ashtahuanpish Dios munashcata ruhuacca huiñaitami causanga.

APOCALIPSIS 13:10

Maijanpish prezu apana cacca prezu apashcami canga. Shinallatac espadahuan huañuchina cacca espadallahuantacmi huañuchishca canga. Chashna tucucpimi Diospaclla caccunaca Diosta tucui shunguhuan crishpa c'atina can.

APOCALIPSIS 14:12

Caipimi Diospaclla caccunaca Dios mandashcacunata cazushpa, mana shaicushpa Jesusta alli c'aticcuna cashcataca ricuchingacuna.