HEBREOS 10:33 - Nuevo Testamento en Quichua Cañar 1996

³³ Cancunapuramanta maijancunaca tucuipac ñaupapi c'amishpa, rimashcacunami carcanguichic. Cutin shuccunaca chai llaquichishcacunahuan tandanacushpami, paicuna shinallatac llaquita aparcanguichic.

Dios Rimashcata Quillcashcami

³³ Maijancunaca tucuipac burlashca, rimashcacunami carcanguichic. Maijancunaca chai llaquichishcacunahuan tandanacushpami, paicuna shina llaquita aparcanguichic.

HEBREOS 10:33 ပူးပေါင်းရင်းမြစ်များ

1 CORINTIOS 4:9

Ñuca yuyaipica, Jesús acllashca ñucanchic huillaccunataca huañuchingapac Dios huashayachishpa, churashca shinami canchic. Chaimantami cai pachapi causac tucui gentecunapacpish, angelcunapacpish asina tucushcanchic.

2 CORINTIOS 12:10

Cristomantaca ñuca imatapish mana ruhuaipac laya cashcamantapish, ñucata c'amishcamantapish, ima illaclla cashcamantapish, juchanchishcamantapish, llaquichishcamantapish cushicunimi. Ñucaca imatapish mana ruhuaipac laya cashpaca, ashtahuanmi imatapish ruhuaipac laya cani.

FILIPENSES 1:7

Tucui shunguhuan cancunata c'uyashcamantaca, ñuca cashna yuyanaca allillatacmi. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Taita Dios cushcamantami, ñuca shina alli huillaita huillacunguichic.

FILIPENSES 4:14

Shina cacpipish ñuca llaquita apacucpi cancuna llaquishpa cushpaca, allitami ruhuashcanguichic.

1 TESALONICENSES 2:14

Cancuna Jesusta cricpi, cancunapac llacta gentecunallatacmi llaquichirca. Shinallatacmi Judea llactapica, Jesucristota cric Diospac tandanacushca criccunatapish, chai llactapi causac israelcunallatac*f** llaquichircacuna.

2 TIMOTEO 1:8

Chashna cashcamanta ñucanchic Apunchic Jesucristomanta huillanatapish, huillacushcamanta ñuca prezu tiyacushcamantapish ama pinganguichu, ashtahuanpish alli huillaita huillacushcamanta llaquita apana cacpica, Taita Dios imatapish ruhuaclla cashcahuan ñuca shina llaquita apanguilla.

HEBREOS 11:26

Egipto llactapi achcata charic canatapish saquishpami, Cristohuan pacta llaquita apashca canata munarca. Chaitaca Dios cuna cashcata japina yuyailla shina cashpami acllarca.

HEBREOS 11:36

Cutin shuccunaca burlashpa asishcapish, macashcapish, cadenahuan huatashcapish shinallatac carcelpipish carcacunami.

HEBREOS 12:4

Cancunaca juchata mana ruhuangapacca, macanacuc shinami sinchita shayarishcanguichic. Shina cashpapish yahuarta jichashpa huañungacamanca, mana llaquita apashcanguichicchu.

HEBREOS 13:13

Chai shinallatac ñucanchicpish pinganayai llaquita Jesús apashca shina, pueblomanta llucshishpa, llaquita apashunchic.