HEBREOS 1:14 - Nuevo Testamento en Quichua Cañar 1996

¹⁴ Shina cacpica angelcunaca, ¿imatac canga? Angelcunaca Diospacta ruhuachun churashca espiritucunallami, shinallatac quishpirinata chasquiccunata ayudachun cachashcacunallami.

Dios Rimashcata Quillcashcami

¹⁴ Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

HEBREOS 1:14 ပူးပေါင်းရင်းမြစ်များ

SAN MATEO 1:20

Pai chashna yuyacucpipish, Taita Dios cachashca angelmi muscuipi ricurishpaca: “Davidpac huahua huahuapuramanta José, Mariahuanca cazarailla, ama manchaichu. Pai charigricuc huahuaca, Diospac Espiritumantami.

SAN MATEO 13:41

Runa Tucungapac shamushca ñucami, ñuca mandashca causaccunapurapi mana alli ruhuaccunatapish, shuccunata pandachiccunatapish tandachichun, ñuca angelcunata cachasha.

SAN MATEO 18:10

Pacta cai uchilla huahua shinacunata ‘imapac mana valinchu’ nishpa p'iñanguichicman. Ñucaca cashnami nini: Paicunata ricuracuc angelcunaca tucui causaipimi, jahua pacha ñuca Taitapac ñaupapi causacuncuna.

SAN MATEO 2:13

Ña yachac runacuna rishca q'uipaca, Mandac Taita Dios cachashca ángel muscuipi Joseman ricurishpaca: “Mandac Herodesmi huahuataca huañuchingapac mashcachigricun. Chaimanta jatari. Huahuata apashpa, paipac mamandic Egipto llactaman ri. Ñuca ima horas shamuchun ningacaman chaipi cagri” nirca.

SAN MATEO 24:31

Chashna shamushpaca, ñuca angelcunatami cachasha. Trompetapi sinchita tocacpi, paicunami ñuca acllashcacunata cai pachapi tiyac mai llactacunamantapish tandachingacuna.

SAN MATEO 25:34

Ñuca alli maqui ladoman caccunataca: ‘Ñuca Taita alli nishcacuna, ñucahuan pacta mandangapac shamuichic, japinguichic. Cai mandanataca Diosmi cai pachata ruhuashca punzhamanta pacha, cancunaman cungapac allichishpa charicushca.

SAN MATEO 4:11

Shina nicpimi, diabloca saquishpa rircalla. Chai q'uipami angelcunaca Jesusta servingapac shamurcacuna.

MARCOS 10:17

Jesús chaimanta llucshishpa ñanta ricucpimi, shuc moso paipac ñaupaman callpamushpa cungurirca. Shina cungurishpaca: —Alli yachachiclla, ñuca huiñai causaita charingapacca, ¿imatatac ruhuana cani?— nishpa tapurca.

SAN LUCAS 1:19

Chashna nicpi, angelca cashnami nirca: —Ñucaca Diospacta ruhuangapac, paipac ñaupapi shayacuc ángel Gabrielmi cani. Paimi canman cai alli huillaita huillachun cacharca.

SAN LUCAS 1:23

Diosman mañana huasipi ima ruhuana cashca punzhacuna ña tucuricpimi, Zacariasca paipac huasiman rirca.

SAN LUCAS 16:22

Chashna huaccha runa ña huañucpica, angelcuna shamushpa, jahua pachapi causacuc ñaupa taita Abrahampac cuchumanmi paipac almataca aparcacuna. Shinallatac chai chayuc runapish huañucpica, enterrashcami carca.

SAN LUCAS 2:13

Chashna huillacucllapitacmi, ñapish jahua pacha achca angelcuna chai huillacuc angelhuan tucushpaca, Taita Diosta alli nishpaca:

SAN LUCAS 2:9

Chashna cuidacucpimi, Taita Dios cachashca angelca Diospac sumaimana achiclla cashcahuan ñapish cungailla ricurishpa, tucui paicunapac muyundicta achicyachirca. Chashna ricuricpimi, michiccunaca munai mancharircacuna.

HECHOS 11:22

Jerusalenpi tandanacushca criccuna chaita yachashpaca, Bernabetami Antioquía puebloman cacharcacuna.

HECHOS 12:23

Chashna nicta uyashpa, paica ashtahuan “Dios shinami cani” nirishcamantaca, Mandac Dios cachashca ángel ung:uita churacpi, Herodesca c'urucuna micushcami huañurca.

HECHOS 12:7

Chashna cuidacucpipish, Mandac Dios cachashca ángel shamucpica, cungailla chai ucuca achiclla tucurcallami. Chai angelca: “¡Utca jatari!” nishpami, Pedrotaca cuyuchishpa ricchachirca. Chashna nicpica, huatashca cadenacunaca Pedropac maquicunamanta cacharirishpa urmarcallami.

HECHOS 13:2

Shuc punzha paicuna ayunashpa, Taita Diosman mañashpa tiyacucpimi, Diospac Espirituca: “Bernabetapish, Saulotapish ñuca ruhuai nishcata ruhuachun cachaichic. Paicunataca ñami acllarcani” nirca.

HECHOS 16:26

Chashna mañashpa cantacucpimi, allpa chucchui cungailla munai chucchuchicpi, tucui cárcel pungucuna pascarirca. Huatashca cadenacunapish tucui prezucunamanta cacharirirca.

HECHOS 27:23

Ñucaca Taita Diospac cashpami, paita servini. Chashna cashcamantami Taita Diosca cunan tuta paipac angelta cachashpaca:

HECHOS 5:19

Chashna churachicpipish, Dios cachashca ángel tuta shamushpami, cárcel punguta pascashpa, paicunata llucchishpaca:

ROMANOS 11:14

Ñuca quiquin llacta aillucunallatac cancuna quishpirishpa alli c'aticushcata ricushpa, quishpirina munaita japishpa, maijancunallapish quishpirichunmi munani.

ROMANOS 13:6

Mandaccunaca Diospacta ruhuac cashpami, chaillata ruhuashpa causancuna. Chaimanta impuestota cunami canguichic.

ROMANOS 15:16

mana israelcunapac allipac Jesucristopacta ruhuachun ñucaman mingashcamantami cashna quillcani. Mana israelcuna Diosman cutirishpa, paipac Espíritu yuyaita cucpi, millaimanta anchurishpa Diospaclla cachunmi, quishpirinamanta alli huillaita huillashpa Diospacta ruhuacuni.

ROMANOS 15:27

Chai shina paicunapac munaimanta ruhuashpaca, allitami ruhuashcacuna. Mana israelcunapish*f** cric israelcuna*f** shinallatac Dios cusha nishcata japishcamantaca, cric israelcunamanca imallatapish cushpa ayudanami can.

ROMANOS 8:17

Ña paipac huahuacuna cashcamantaca, pai cusha nishca japina cashcatapish Cristohuan japishunmi. Chai japinataca Apunchic Jesucristo llaquita apashca shinallatac llaquita apashpami, sumaimana cushicuipi paihuan japishun.

1 CORINTIOS 1:21

Tucuita yachac Taita Diosca, paicuna yuyashca shina paita ricsichunca mana saquinchu. Quishpirinamanta alli huillai pucllashca shina cacpipish, Taita Diosca maijanpish paita criccunataca pai c'uyashcallamantami cai huillashcahuan quishpichisha nicun.

2 CORINTIOS 9:12

Cancuna ayudashpa cushpaca, mana paicunapac ima illashcatachu cunguichic, ashtahuanpish paicunamanca Taita Diosta pagui nina yuyaitapish cunguichicmi.

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shina cashpaca, Taita Dios ñaupaman cusha nishcata japiccunapish canguichicmi.

GÁLATAS 3:7

Chaimantami maijanpish criccunalla Abrahampac huahuacunatacca can. Chaitaca cancunaca yachanami canguichic.

GÁLATAS 3:9

Abraham crishcamantami Taita Diosca allicunata curca. Chaimantami maijanpish cricmanca Abrahamman cushca shinallatac allicunata cunga.

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamanta, mana israelcuna israelcunahuan pacta japina cashcata japingacunami. Paicunaca shuc cuerpo shina cashcamantami, Jesucristomanta Taita Dios cusha nishcataca chasquingacuna.

FILIPENSES 2:17

Cancuna crishpaca, Taita Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.

FILIPENSES 2:25

Shinallatac Jesusmanta ñucanchic huauqui Epafroditotaca cachana alli caipac yuyachicpimi, cutichishpa cachagrini. Paimi llaquita apana cacpipish, mana manchashpa alli huillaitaca ñucahuan pacta huillacun. Ñucata ima ruhuanapipish ayudachunmi, cancunaca cachashca carcanguichic.

2 TESALONICENSES 1:7

Shinallatac cancuna llaquita apacuccunatapish, ñucanchicta samachic shinallatac samachingami. Chashnaca, Apunchic Jesús paipac imatapish ruhuaclla angelcunahuan jahua pachamanta shamushpami samachinga.

TITO 3:7

Taita Dios yallita c'uyashpami, paihuan alli tucushpa, ñucanchic shuyacushca huiñai causaita japichun chashnaca ruhuarca.

HEBREOS 10:11

Tucui Israel*f** curacunami, punzhanta chaillatatac chaillatatac animalcunata rupachishpa, Diosman cuncuna. Shina cacpipish caicunaca jaicapi juchacunataca mana anchuchinchu.

HEBREOS 2:3

Shina cacpica cai sumac quishpirinamanta huillashcata yangapi churashpaca, ¿ima shinatac jatun llaquimanta quishpirishunyari? Cai quishpirinataca Apunchic Jesusmi punta huillarca. Chaimantami pai huillashcata uyaccunaca chashnatac cashcata yachashpa, ñucanchicman huillarca.

HEBREOS 5:9

Chai shina llaquita apashpa, Taita Dios ima nishcata tucui pactachishpami, maijanpish paita cazuccunapacca huiñaita Quishpichic tucurca.

HEBREOS 6:12

Q'uillacuna tucuchunca mana munanchicchu, ashtahuanpish crishcamanta mana p'iñaric, alli shunguhuan Dios cusha nishcata japiccuna cachunmi munanchic.

HEBREOS 6:17

Taita Diospish pai cushami nishcata japiccunamanca, imatapish mana shuctacyachishpa, pai cushami nishcataca paipac quiquin shimihuanmi pactachirca.

HEBREOS 8:6

Ashtahuanpish curacunata jatun mandac ñucanchic curaca, Apunchic Jesucristomi. Paica caishuc curacuna ruhuana cashcata atishpami, ruhuangapac chasquishca. Paica tucuimanta yalli valishca Dios cushcacunahuanmi Taita Dioshuanpish, gentecunahuanpish mushuc ari ninacuita pactachirca.

HEBREOS 9:28

Shinallatacmi Apunchic Jesusca achca gentecunapac juchacunata p'ichangapacca, pai quiquinllatac curishpa huañurca. Q'uipataca ña mana juchacunata anchuchingapac shamungachu, ashtahuanpish paita shuyacuccunata quishpichingapacmi shamunga.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

1 PEDRO 1:4

Chaimantami ñucanchicca jahua pachapi Dios huacaichishca, mana ismuclla, mana chaquiclla, mana mapayaclla allicunata japinata charinchic.

1 PEDRO 3:7

Shinallatac cusacunapish, cancunapac quiquin huarmicunahuanca alli yuyaihuan causaichic. Huarmicunaca mana c'aricuna shina fuerzata charincunachu. Chaimanta paicunataca sumacta pushashpa causaichic. Cusacunapish, huarmicunapish Dios c'uyashcallamanta cusha nishca, huiñai causaita japichun c'ayashcacunami canguichic. Chashna causacpimi, Taita Diosca cancuna mañashcataca uyanga.

SAN JUDAS 1:14

Ñaupa taita Adanmanta Enoccamanca, canchis taitacunami cashca. Enocca Dios yuyaita cucpimi, chai yachachiccunamanta huillashpaca: “Mandac Diosca paipac huaranga huaranga angelcunahuan shamuctami ricurcani.

APOCALIPSIS 5:6

Chai ishcai chunga chuscu yuyaccunapac, shinallatac chuscu animalman ricchacunapac chaupipi cac mandashpa tiyarina cuchullapica, shuc Pactalla Oveja*f** shayacuctami ricurcani. Chai Ovejaca huañuchishca shinami ricurirca. Chai Ovejaca canchis gachuyuc, shinallatac canchis ñahui muruyucmi carca. Chai canchis ñahui murucunaca, cai pachaman cachashca Diospac canchis Espiritucunami can.