HEBREOS 1:1 - Nuevo Testamento en Quichua Cañar 1996

¹ Ñaupa huatacunapica ñucanchic taitacunamanca, tauca cutinmi ima shinapish paimanta huillaccunata cachashpa, Taita Diosca huillachirca.

Dios Rimashcata Quillcashcami

¹ Diosca tauca cutinmi ñaupa huatacunapica ñucanchic taitacunaman pai ima nishcata huillaccunata huillachirca.

HEBREOS 1:1 ပူးပေါင်းရင်းမြစ်များ

SAN LUCAS 1:55

Chai allicunataca ñucanchic ñaupa taita Abrahammanpish, paipac huahua huahuacunamanpish huiñaicaman ruhuasha nishca shinallatacmi pactachishca” nirca.

SAN LUCAS 1:72

Ñaupa taitacunata llaquishpa, paipac sumac ari nishcataca mana cungarishpa pactachicungallami.

SAN LUCAS 24:27

Chashna nishpaca, Moisés quillcashcamanta callarishpa, tucui ñaupa huillaccuna quillcashcacamanmi, Dios quillcachishcapi paimanta imalla nishcacunataca huillashpa, alli entendichirca.

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

SAN JUAN 16:13

Cashcata nic Diospac Espíritu shamushpami, cancunamanca imapish cashcata yachachinga. Paica mana paipac munaillamantachu rimanga, ashtahuanpish ima uyashcallatami huillanga. Shinallatac tucui imalla tucugricushcatapish yachachingami.

SAN JUAN 7:22

Shina cacpipish Moisesca: ‘Circuncisiontaca*f** ruhuachinami canguichic’ mandashcami. Chaitaca mana Moiseschu mandarca, ashtahuanpish cancunapac ñaupa taitacunami chaitaca ruhuachiccuna carca. Chaitami cancunaca samana punzha cachunpish, c'ari huahuacunataca circuncisionta ruhuachinguichic.

SAN JUAN 9:29

Moisesman Taita Dios rimashcataca yachanchicmi, ashtahuanpish chai runataca pai maimanta cashcallatapish mana yachanchicchu— nircacuna.

HECHOS 13:32

Ñucanchic ñaupa taitacunamanmi: ‘Cancunapac huahua huahuacunaman Quishpichicta cushami’ Taita Dios nishca carca. Chai Quishpichicmantami cunanca cancunaman huillacunchic.

HECHOS 2:30

Davidca Diosmanta huillacmi carca. Chaimantami paitaca Taita Diosca: ‘Cambac huahua huahuacunapuramantami, Quishpichic Cristoca shamunga. Pai shamushpaca, can mandashca shinallatacmi mandanga’ nirca. Taita Diosca paillatac chashna ruhuasha nishcata pactachina cashcataca, Davidca allimi yacharca.

HECHOS 28:23

Chashna nishpaca, shuc punzha Pablo ima nishcata uyangapacmi yuyarinacurcacuna. Ña chai punzha chayamucpica, achcacunami Pablo imallata nicta uyangapacca, pai causacuc huasiman tandanacumurcacuna. Taita Dios mandacucmanta huillashpa Jesusta crichunmi, Moisés mandashcacunapi imalla nishcacunatapish, ñaupa huillaccunaman Taita Dios quillcachishcatapish tutamantamanta chishicaman huillarca.

HECHOS 3:21

‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

HEBREOS 11:18

Taita Diosca ñaupamanca: “Isaacmantami, huahua huahuacunata achcata charingui” nishcami.

HEBREOS 11:2

Ñucanchic ñaupa taitacunataca, paicuna crishcamantami Taita Diosca chasquirca.

HEBREOS 12:25

Chaimanta Dios cancunata rimacta mana uyashun ninamantaca cuidaringuichic. Cai pachapi Dios ima nishcata mana cazuccunaca, tucuimi llaqui tucurca. Ñucanchiccarin jahua pachamanta rimacucta mana cazushpaca, ¿ima shinatac llaquimantaca anchurishunyari?

HEBREOS 2:2

Ñucanchic ñaupa taitacunaman angelcunata cachashpa, Taita Dios paipac mandashcacunata huillachishpaca, chashnatac cashcatami ricuchirca. Shinallatac maijanpish juchallishpa mana cazuccunataca, llaquichina cashca shinallatacmi llaquichishca carca.

HEBREOS 2:3

Shina cacpica cai sumac quishpirinamanta huillashcata yangapi churashpaca, ¿ima shinatac jatun llaquimanta quishpirishunyari? Cai quishpirinataca Apunchic Jesusmi punta huillarca. Chaimantami pai huillashcata uyaccunaca chashnatac cashcata yachashpa, ñucanchicman huillarca.

HEBREOS 3:5

Ima shinami Moisesca Diospac huasipi Diospacta ruhuac carca, shinallatacmi chai shina ruhuashpa, Taita Dios ima shina q'uipaman huillana cashcata ricuchicurca.

HEBREOS 4:8

Israelcunaman chai samarinata Josué cushca cacpica, cutin Taita Diosca: “Q'uipa punzhapi samarinata cushami” nishpaca, mana ninmanchu carca.

HEBREOS 5:5

Chai shinallatacmi Jesucristoca mana pai quiquinllatac jatun mandac cura tucurca. Ashtahuanpish Taita Diosmi paita alli cachun acllashpaca: “Canca ñuca Churimi cangui, cunanca ñuca Huahuatacmi cangui” nirca.

HEBREOS 9:19

Moisesmi tucui israelcunaman*f** Dios mandashcataca huillarca. Chai q'uipaca puca millmatapish, hisopo ramatapish, bizicunapac yahuarhuan, chivocunapac yahuarhuan, yacuhuanpish chapushpami, jucuchishpa Taita Dios mandashca quillcapi, tucui israelcunapac jahuapipish chiraparca.